English

नेपाली सेनाले बनाइदियो बालविकास भवन



नेपाली सेनाले मंगलबार सप्तरीको हनुमाननगर कङ्कालिनी नगरपालिका–१४ रम्पुरा मल्हनियाँमा बालविकास भवन हस्तान्तरण गरेको छ । श्री राष्ट्रिय आधारभूत विद्यालयमा पूर्व–प्राथमिक भवनको स्तरोन्नतिपश्चात् भीम दल गणले भवन हस्तान्तरण गरेको हो ।

सैनिक–नागरिक सम्बन्धको जनहित कार्यक्रमअन्तर्गत श्री नं २७ वाहिनी अड्डाका वाहिनीपति सहायक रथी हेमराज केसीले उक्त भवन विद्यालय प्रशासनलाई हस्तान्तरण गरे । सो अवसरमा उनले नेपाली सेनाले मानवीय सहायताका लागि शिक्षा, स्वास्थ्य, खेलकुद, प्रकृति तथा वातावरण संरक्षण आदि क्षेत्रहरूमा कार्यक्रमहरू सञ्चालन गर्दै आइरहेको बताए ।

शिक्षा क्षेत्रलाई टेवा पुर्‍याउने उद्देश्यले शिक्षा प्रणालीको आवश्यकता तथा बालविकास भवनको अवस्था र विद्यालयको अनुरोधअनुसार विद्यालयको दुईकोठे बालविकास भवनको स्तरोन्नति गरेको गणपति निरज भण्डारीले जानकारी दिए ।

बालविकास कक्षामा सहभागी हुने बालबालिकाको पठनपाठनमा सुविधा पुर्‍याउन बालविकास भवनको स्तरोन्नति गरेर हस्तान्तरण गरिएको उनले बताए । प्रधानाध्यापक राजकिशोर साहका अनुसार बालविकास भवनमा भौतिक पूर्वाधारअन्तर्गत जमिनी सतहबाट भवनको बेस हाइटलाई १८ इन्च अग्लो पारिएको छ । भवनको अगाडि चार फिट पेटी र पछाडि दुई फिट पेटी निर्माण गरिएको छ ।

कक्षाकोठाहरूमा प्लास्टर मर्मत तथा रङरोगन गरिएको छ । सिलिङमा फल्स सिलिङ लगाई भित्ताहरूमा नेपाली वर्णमाला, अङ्ग्रेजी वर्णमाला तथा अङ्कहरूसहित अन्य उपयोगी चित्रहरूसमेत बनाइएको छ ।

कक्षाकोठाको भुइँमा फोम तथा कार्पेटिङ गरिएको विद्यालय व्यवस्थापन समितिका अध्यक्ष सत्यनारायण यादवले बताए । उनका अनुसार झ्यालहरूमा पर्दाको व्यवस्था, १२ वटा म्याट्रेस, दुईवटा ह्वाइट बोर्ड, दुईवटा स्टिल याक, दुईवटा लो टेबल, नौवटा साना डेस्क बेञ्च, १५ वटा ठूला डेस्क बेन्च, एक सेट टेबल, र्‍याक, कुर्सी तथा २० सेट लेगोस, दुईवटा प्लाष्टिक हर्स रकर राखिएको छ ।

त्यसैगरी भवनको बाहिर अगाडि र छतमा ज्ञानवद्र्धक चित्रहरू कोरिएका छन् । हस्तान्तरण कार्यक्रमा सप्तरीका प्रमुख जिल्ला अधिकारी जनार्दन गौतम, प्रहरी उपरीक्षक अविनारायण काफ्ले, सशस्त्र प्रहरी ६ नं गणका सशस्त्र प्रहरी नायब उपरीक्षक श्याममणि ढकाल, शिक्षा विकास तथा समन्वय एकाइ सप्तरीका प्रमुख विजय मण्डलको उपस्थिति रहेको थियो ।

यो पनि…
यस्तो पो सामुदायिक विद्यालय !
स्थायी शिक्षकको परीक्षा दिन जाँदा परिचयपत्र देखाउनुपर्ने
शिक्षक लाइसेन्स परीक्षामा अब वस्तुगत प्रश्न मात्र (पाठ्यक्रमसहित)
इसीडी शिक्षक र विद्यालय कर्मचारीलाई अब केन्द्रबाटै तलब
शिक्षा मन्त्रालय र शिक्षक महासंघबीच के भयो सहमति ?[पत्रसहित]



सम्बन्धित खबरहरु

हङकङमा तमु व्याडमिन्टन च्याम्पिएनसिप हुने भएको छ । २३ फेब्रवरीका दिन हुने उक्त प्रतियोगितमा तमु व्याडमिन्टन संघले आयोजना गर्न लागेको

एपी शर्माको संगीत र शब्दमा आधारित तथा कैसिलोको स्वर र प्रस्तुति रहेको नयाँ म्युजिक भिडियो “भ्यालेन्टाइन” सार्वजनिक भएको छ।मिस्टर जेसीडीको निर्देशनमा तयार यो म्युजिक भिडियोले प्रेमका भावनालाई आधुनिक शैलीमा प्रस्तुत गरेको छ।   गीतको बोल “भ्यालेन्टाइन” प्रेम, रोमान्स र गहिरो भावनाको समायोजन हो ।   यसले भ्यालेन्टाइन डेको पर्खाइ मात्र नभई, प्रेमलाई दिन विशेष बनाउनेहरेक दिनको महत्त्वलाई व्यक्त गर्दछ। “फेब्रुअरीको पर्खाइ गर्न सक्दिन, मलाई माया गरिदेऊ” भन्ने गीतका शब्दहरूले प्रेमीहरूलाई आफ्नो भावनाहरूखुलस्त रूपमा व्यक्त गर्न प्रेरित गर्ने सन्देश दिन्छ।   गीतमा प्रेम, वफादारी, र रोमान्सको भावना झल्किएको छ नाइजेरियामा छायांकन गरिएको भिडियोको भिजुअल प्रस्तुति गीतकै भावना अनुसारजीवन्त र कलात्मक छ। मुख्य भागहरूमा प्रेममा परेका मानिसहरूको भावनालाई प्रतीकात्मक रूपमा प्रस्तुत गरिएको छ।   म्युजिक भिडियोले उत्कृष्ट छायांकन र निर्देशनमार्फत प्रेम र रोमान्सलाई अझ रोचक बनाएको छ। भिडियोमा आधुनिक शैलीका शब्द र धुनलेयुवाहरूको मन जित्ने प्रयास गरिएको छ।   गीत “एपी म्युजिक” युट्युब च्यानलमा उपलब्ध छ, जसले छोटो समयमा नै दर्शकहरूको मन जित्ने सम्भावना राख्दछ। “भ्यालेन्टाइन” गीतले प्रेमदिवसलाई अझ विशेष बनाउन प्रेरणा दिने अपेक्षा गरिएको छ।   नेपाली डायस्पोराले अंग्रेजी गीत-संगीतमा पनि विश्वब्यापी प्रतिस्पर्धा गर्न सुरु गरेको यो एउटा सकारात्मक संकेत हो, जसले नेपाली कलाकारितालाईअन्तर्राष्ट्रिय स्तरमा थप पहिचान दिलाउन मद्दत पुर्याउनेछ।

विरलै मात्रै अभिनयमा देखिने लोकगायिका सुनिता दुलालले चर्चित नायक दिलीप रायमाझीसँग कम्मर मर्काउँदै म्यूजिक भिडियो ओ बड्डा सार्वजनिक गरेकी छन्

नेपालको लोकप्रिय ब्रान्ड टुपीएम स्न्याक्स् एण्ड नुडल्स् ब्राण्डले भारतको मुम्बईमा आयोजित समारोहमा रिलायन्स रिटेलद्वारा प्रतिष्ठित “फ्युचर फर्वार्ड स्टार ब्रान्ड” पुरस्कार