यसरी उतार्न सकिन्छ भाङको नशा

होलीको उमंग भाङले झन् बढाउँछ । तर यसको नशा हटाउन भने गाह्रो छ । भाङको नशा बढी भयो भने अस्पताल भर्ना हुने अवस्था पनि हुनसक्छ । त्यसैले घरमा नै भाङको नशा हटाउने उपाय यस प्रकार छ :

यी लक्षणलाई बेवास्ता नगर्नुहोस्
सामान्यतया भाङ खाएपछि स्नायु प्रणालीको शरीरमा नियन्त्रण हुँदैन । त्यसैले मानिसहरू आफ्नो कुनै पनि गतिविधि नियन्त्रण गर्न सक्षम हुँदैनन् । यस्तो अवस्थामा हाँस्नु, रुनु, धेरै सुत्नु जस्ता सामान्य लक्षण देखिन सक्छन् ।

अत्यधिक भाङ सेवनको कारण व्यक्ति केही समयको लागि केही चिन्न वा सम्झन सक्षम नहुन सक्छ । भाङ खाएपछि आँखा बन्द गर्नुको सट्टा आँखा खुला राखेर सुतिरहेको अवस्थामा त्यसलाई गम्भीरतापूर्वक लिएर तुरुन्त अस्पताल लैजानुहोस् नत्र कोमासम्म समेत जान सक्छ ।

कसरी उतार्ने नशा ?
–भाङको नशा बढेको छ भने ३० ग्राम पाकेको इलमीलाई २५० मिलिलिटर पानीमा भिजाएर छानेर त्यसमा ३० ग्राम सख्खर मिसाएर इलमीको यो पानी पिउने ।

–धेरै मात्रामा मोही पिउने वा ताजा दही पिउन सकिन्छ ।

–कागतीको रस चुस्ने वा कागती पानी पिउने ।

–भाङको नशाले हुने बेहोसी हटाउन तोरीको तेल तताएर बिरामीको दुवै कानमा मनतातो तेलको थोपा हाल्ने ।

–अदुवा नशाबाट छुटकारा पाउनको लागि पनि उत्तम औषधि हो । नशाको अवस्थामा रहेका व्यक्तिलाई अदुवाको सानो टुक्रा खुवाउने ।

–मक्खन खाँदा पनि तत्काल आराम मिल्छ ।

– नरिवलको ताजा पानी पनि नशाबाट मुक्तिको लागि उत्कृष्ट उपाय हो । नरिवलको पानी मा एन्टिअक्सिडेन्ट हुन्छ जसले नशा निम्त्याउने पदार्थलाई बेअसर गर्छ ।

यो पनि…
बिहान चक्कर लागेमा के गर्ने ?
नीतिकथा : ज्ञानी व्यक्ति पनि विद्वानहरूको संगतमा हुनुपर्छ