आज मौसम कस्तो रहला ?
आज बिहीबारदेखि फागु पूर्णिमा अर्थात होली पर्व सुरु भएको छ । आज काठमाडौं उपत्यकासहित पहाडी क्षेत्र र शुक्रबार तराईमा होली पर्व मनाइन्छ ।
मौसम पूर्वानुमान महाशाखाका अनुसार यो वर्ष होलीमा मौसम सामान्य रहेको छ । बुधबार साँझ स्थानीय वायुका कारण उपत्यका वर्षा भए पनि आज भने मौसम सफा नै रहने आकलन गरिएको छ ।
हाल बिहार तथा आसपासका क्षेत्रमा निम्न चापीय प्रणाली रहेको छ । दिउँसो पहाडी भू–भागमा आंशिक बदली र अन्य भू–भागमा मौसम सामान्यतया सफा रहने छ ।
शुक्रबार दिउँसो पनि देशका पहाडी भू–भागमा आंशिक बदली र अन्य भू–भागमा मौसम सामान्यतया सफा रहने आकलन गरिएको छ ।
यो पनि…
हिमाल-पहाडमा होली पर्व मनाइँदै, तराईमा भोलि
गर्भावस्थामा होली खेल्दा यी कुरामा ध्यान दिनुहोस्
