English

रूस–युक्रेन द्वन्द्व : यस्ता छन् पछिल्ला घटना



रूस–युक्रेन द्वन्द्व सुरु भएको आज २१औं दिन पुगेको छ । द्वन्द्वका कारण युक्रेन नराम्रोसँग प्रभावित भएको छ । युक्रेनीहरू सुरक्षित स्थान खोज्दै छिमेकी मुलुकहरू प्रवेश गरेका छन् ।

अहिलेसम्म द्वन्द्व रोक्ने कुनै प्रयास भइरहेको छैन । तेस्रो पटकसम्मको शान्तिवार्ता विनानिष्कर्ष टुंगिएको छ । रूसविरुद्ध लड्न युक्रेनले अन्तर्राष्ट्रिय समुदायलाई आह्वान गरेको छ भने रूस एक्लै लड्ने बताइरहेको छ । दुई देशबीचको द्वन्द्व यतिखेर के भइरहेको छ ? बीबीसीका अनुसार यी हुन् पछिल्ला घटना :

–युक्रेनका राष्ट्रपति भोलोदिमिर जेलेन्स्कीले रूसी आक्रमण अन्त्यका लागि रूसविरुद्ध थप प्रतिबन्धहरू लगाउन अमेरिकासँग माग गरेका छन् ।

–युक्रेनका राष्ट्रपति भोलोदिमिर जेलेन्स्कीले अमेरिकी कङ्ग्रेसलाई भिडिओमार्फत् ऐतिहासिक सम्बोधन गरेका छन् ।

–रूसले आक्रमण सुरु गरेयता पहिलोपटक सर्वसाधारणले प्रयोग गर्ने पूर्वाधारलाई निशाना बनाएको युक्रेनी सुरक्षा अधिकारीहरूले बताएका छन् ।

–रूसी विदेशमन्त्री सर्गेई लाभ्रोभले युक्रेनसँगको शान्ति वार्ता सहज नभए पनि आफूलाई सम्झौताको आशा भएको बताएका छन् ।

–युक्रेनका राष्ट्रपति जेलेन्सकीले रूससँगको शान्ति वार्ता ‘थप यथार्थपरक सुनिन’ थालेको बताएका छन् ।

–रूसी फौजले मरिऊपोलमा एक अस्पताल नियन्त्रणमा लिएका छन् जहाँ ४०० बिरामी अनि चिकित्सकीय कर्मचारी फसेका छन् ।

–रूसी फौजको आक्रमण जारी रहेकै बेला कीएभसम्म यात्रा गरेका पोल्यान्ड, चेक गणतन्त्र अनि स्लोभेनियाका प्रधानमन्त्रीहरूलाई युक्रेनका राष्ट्रपति जेलेन्सकीले धन्यवाद ज्ञापन गरेका छन् ।

–रूसी सेनाको घेराबन्दीमा परेका झन्डै ३० हजार सर्वसाधारण मंगलबार मरिऊपोल अन्यत्र जान सफल भएको युक्रेनका अधिकारीहरूले बताएका छन् ।

–अमेरिकी राष्ट्रपति जो बाइडनले युक्रेनलाई १३ अर्ब डलर भन्दा बढीको सुरक्षा सहायता समावेश एक विधेयकमा हस्ताक्षर गरेका छन् ।

‘सबै अमेरिकी कम्पनीहरूले रूसी बजार छोड्नुपर्छ’

राष्ट्रपति जेलेन्स्कीले अमेरिकी सहयोगप्रति आफू आभारी रहेको बताएका छन् । रूसी हमलाको सशक्त प्रतिकार गरेको युक्रेनलाई अमेरिकाले आर्थिक सहयोगको बचन दिँदै आएको छ ।

सहयोग र सहायताको प्रावधानमा अमेरिकी राष्ट्रपति जो बाइडेनको ‘व्यक्तिगत संलग्नता’ प्रति राष्ट्रपति जेलेन्स्की ऋणी भएको बताए ।

‘रूसी सैन्य मेसिन नरोकिने बेलासम्म’ अझै बढी गर्न र थप प्रतिबन्धहरू जारी गर्न उनले अमेरिकी संसदलाई आह्वान गरे । रूसी संघका सबै राजनीतिज्ञलाई प्रतिबन्ध लगाउन उनले अमेरिकालाई सुझाव दिएका छन् । ‘सबै अमेरिकी कम्पनीहरूले तुरुन्तै रूसी बजार छोड्नुपर्छ किनभने यो हाम्रो रगतले भरिएको छ,’ उनले थपे ।

रूससँग लड्न अमेरिकाले युक्रेनलाई १०० किलर ड्रोन दिने

अमेरिकाले युक्रेनलाई १०० ओटा किलर ड्रोन सहयोग प्रदान गर्ने घोषणा गरेको छ । अमेरिकी राष्ट्रपति जो बाइडेनको युक्रेनमा बृहत् सैन्य प्याकेज घोषणाअन्तर्गत अमेरिकाले ती ड्रोन युक्रेननलाई दिने भएको हो ।

अमेरिकी सैन्य स्रोतका अनुसार सो मिसाइल प्रणाली ‘व्यक्तिमा पिनपोइन्ट स्ट्राइक’ को लागि डिजाइन गरिएको हो र यसलाई उचित तरिकाले केही माइल टाढाबाट हान्न सकिन्छ ।

रूसी डिजाइन भए पनि यस्तो हतियार केही युरोपेली नेटो सदस्यहरूसँग छ । यसलाई युक्रेनको सेनामा मिसाउन सहज हुने विश्वास गरिएको छ ।

यो पनि..
शान्तिको नेतृत्व गर्न बाइडेनलाई जेलेन्सकीको ‘विशेष’ अनुरोध
रुसी हमलामा मारिए फक्स न्युजका पत्रकार
अमेरिकाले अस्वीकार गर्‍यो रसियाको माग
युरोपेली परिषद् त्याग्ने मस्कोको घोषणा
रूसले मद्दत मागेको छैन : चीन
रूसबारे नेटो के भन्छ ?
द्वन्द्वको असर : रूसमा महंगी बढ्यो
युद्धको असर : युक्रेन र रूसमा महासङ्कट



सम्बन्धित खबरहरु

आज सोनाम ल्होसारयसकारण मनाउन थालियो ल्होसार तामाङ समुदायको सांस्कृतिक पर्व सोनाम ल्होसारका अवसरमा सरकारले आज बिहिबार देशभर सार्वजनिक बिदा दिएको छ।समुदायले

हङकङमा तमु व्याडमिन्टन च्याम्पिएनसिप हुने भएको छ । २३ फेब्रवरीका दिन हुने उक्त प्रतियोगितमा तमु व्याडमिन्टन संघले आयोजना गर्न लागेको

एपी शर्माको संगीत र शब्दमा आधारित तथा कैसिलोको स्वर र प्रस्तुति रहेको नयाँ म्युजिक भिडियो “भ्यालेन्टाइन” सार्वजनिक भएको छ।मिस्टर जेसीडीको निर्देशनमा तयार यो म्युजिक भिडियोले प्रेमका भावनालाई आधुनिक शैलीमा प्रस्तुत गरेको छ।   गीतको बोल “भ्यालेन्टाइन” प्रेम, रोमान्स र गहिरो भावनाको समायोजन हो ।   यसले भ्यालेन्टाइन डेको पर्खाइ मात्र नभई, प्रेमलाई दिन विशेष बनाउनेहरेक दिनको महत्त्वलाई व्यक्त गर्दछ। “फेब्रुअरीको पर्खाइ गर्न सक्दिन, मलाई माया गरिदेऊ” भन्ने गीतका शब्दहरूले प्रेमीहरूलाई आफ्नो भावनाहरूखुलस्त रूपमा व्यक्त गर्न प्रेरित गर्ने सन्देश दिन्छ।   गीतमा प्रेम, वफादारी, र रोमान्सको भावना झल्किएको छ नाइजेरियामा छायांकन गरिएको भिडियोको भिजुअल प्रस्तुति गीतकै भावना अनुसारजीवन्त र कलात्मक छ। मुख्य भागहरूमा प्रेममा परेका मानिसहरूको भावनालाई प्रतीकात्मक रूपमा प्रस्तुत गरिएको छ।   म्युजिक भिडियोले उत्कृष्ट छायांकन र निर्देशनमार्फत प्रेम र रोमान्सलाई अझ रोचक बनाएको छ। भिडियोमा आधुनिक शैलीका शब्द र धुनलेयुवाहरूको मन जित्ने प्रयास गरिएको छ।   गीत “एपी म्युजिक” युट्युब च्यानलमा उपलब्ध छ, जसले छोटो समयमा नै दर्शकहरूको मन जित्ने सम्भावना राख्दछ। “भ्यालेन्टाइन” गीतले प्रेमदिवसलाई अझ विशेष बनाउन प्रेरणा दिने अपेक्षा गरिएको छ।   नेपाली डायस्पोराले अंग्रेजी गीत-संगीतमा पनि विश्वब्यापी प्रतिस्पर्धा गर्न सुरु गरेको यो एउटा सकारात्मक संकेत हो, जसले नेपाली कलाकारितालाईअन्तर्राष्ट्रिय स्तरमा थप पहिचान दिलाउन मद्दत पुर्याउनेछ।

गुरुङ समुदायको परम्परागत धार्मिक बाजा ढ्याङग्रोमा आधारित रही निर्माण गरिएको चलचित्र ढ्याङग्रो हङकङ र नेपालमा प्रर्दशन हुने भएको छ ।