विश्वकप लिग–२ मा नेपालद्वारा पीएनजी २ विकेटले पराजित
विश्वकप लिग २ अन्तर्गतको त्रिकोणात्मक श्रृंखलामा नेपालले पपुवा न्युगिनीलाई २ विकेटले पराजित गरेको छ । युएईमा जारी खेलमा पपुपा न्युगिनीले दिएको २०५ रनको लक्ष्य नेपालले ४९.२ ओभरमा पुरा गरेको हो ।
खेलमा रोहित पौडेल र आरिफ शेखले अर्धशतक प्रहार गरेसँगै नेपाललाई जित निकाल्न सहज भएको हो । यसैगरी करण केसीले आक्रामक ब्याटिङ गर्दै २५ बलमा २ छक्का र एक चौकासहित २९ रतको महत्वपूर्ण योगदान दिए ।
पीएनजीले टस जितेर पहिला ब्याटिङ गर्दै निर्धारित २० ओभरमा ८ विकेट गुमाएर २ सय ४ रन जोडेको थियो । नेपालका सोमपाल कामीले ३ तथा सन्दीप लामिछाने, आरिफ र ज्ञानेन्द्र मल्लले एक–एक विकेट लिए ।
विश्वकप लिग–२ मा नेपालले ९ खेलबाट १० अंक जोडेको छ । नेपालले दोस्रो खेलमा शुक्रबार यूएईसँग प्रतिस्पर्धा गर्ने छ ।
यो पनि…
सुमनले यसकारण छाडे नेपाल पुलिस क्लब
भलिबलप्रेमी परिवार : कोही राष्ट्रिय रेफ्री, कोही राष्ट्रिय टिममा
