युद्धको असर : युक्रेन र रूसमा महासङ्कट
रूस–युक्रेन द्वन्द्व सुरु भएको आज १९औं दिन पुगेको छ । द्वन्द्वका कारण युकेनमा नराम्रोसँग प्रभावित भएको छ । युक्रेनीहरू सुरक्षित स्थान खोज्दै छिमेकी मुलुकहरू प्रवेश गरेका छन् ।
अहिलेसम्म द्वन्द्व रोक्ने कुनै प्रयास भइरहेको छैन । तेस्रो पटकसम्मको शान्तिवार्ता विनानिष्कर्ष टुंगिएको छ । रूस विरुद्ध लड्न युक्रेनले अन्तर्राष्ट्रिय समुदायलाई आह्वान गरेको छ भने रूस एक्लै लड्ने बताइरहेको छ ।
युक्रेनमाथि रुसले हमला गरेसँगै सर्बसाधारण युक्रेनीको जीवन त कस्टकर नै बनेको छ , तर युद्धको असरमा रुसमा पनि गहिरो देखिएको छ
दुवै देशमा महँगी अकाशियो
युद्धले गर्दा दुवै देशकाे स्थिति नाजुक बनेको छ । युक्रेनमा खाद्यसंकट बढेसँगै विभिन्न देशले खाद्य सहयाेग बढाइरहेका भएता पनि महँगी र संकट झन् बढ्दै गएको छ ।
यता, युक्रेनको युद्धको विरोधमा एउटा रुसी समूह खुलेरै सडकमा उत्रिएको छ भने अधिकांश मानिस मंहगी र अभावसँग जुधेका छन् ।
युक्रेनमा रुसी हमलापछि पश्चिमा देशहरूले मस्कोमाथि विभिन्न प्रतिबन्ध लगाएका छन् । रुसमा निर्यात हुने सामाग्रीहरूमा प्रतिबन्ध लाग्दा त्यसको मारमा सबैभन्दा बढी सर्वसाधारण रुसी परेका छन् ।
राष्ट्रपति भ्लादिमिर पुटिनले युक्रेनलाई नि:शस्त्रीकरण गरेको भन्दै रुसी कदमको बचाउ गरे पनि पश्चिमा देशहरूले पुटिनले युद्धका बहाना गरेकोे बताउँदै आएका छन् ।
राष्ट्रपति भ्लादिमिर पुटिनले युक्रेनलाई नि:शस्त्रीकरण गरेको भन्दै रुसी कदमको बचाउ गरे पनि पश्चिमा देशहरूले पुटिनले युद्धका बहाना गरेकोे बताउँदै आएका छन् ।
रुसमाथि पश्चिमा देशहरुले वित्तिय दण्ड दिएका कारण रुसीहरुको दैनिकीमा असर परेकाे छ । जीवनयापनको खर्च बढिरहेको छ । रोजगारी गुम्ने जोखिम बढ्दो छ । धेरै वित्तीय संस्थाहरू रुसबाट अलग भएका छन् ।
पकाउने तेल, चिनी र अन्य आधारभूत उत्पादनको मूल्य बढिरहेको छ । उपभोत्ता मूल्य २ दशमलब २ प्रतिशतले बढेको छ ।मस्को र अन्य सहरका पसलहरूले औषधि र अन्य केही वस्तुको बिक्रीमा रोक लगाएको छ ।
२४ फेब्रुवरीदेिख शुरु भएकाे रुसी हमलापछि रुसी मुद्रा रुबलको मूल्यमा गिरावट आएको छ । २० फेब्रुबरीसम्म ५ हजार ५०० रुबलमा अर्डर गरेको किराना सामानको मूल्य ८ हजार रुबल रहेको इयूका बासिन्दा जानले बताएका छन् । त्यस्तै चिनीको मूल्य २० प्रतिशत बढेको छ ।
युक्रेनी सेनाको मिसाइल प्रहारमा २० सर्वसाधारको मृत्यु
युक्रेनी सेनाको मिसाइल प्रहारमा २० सर्वसाधारणको मृत्यु भएको रुसी सेनाले दाबी गरेको छ । रुसी रक्षा मन्त्रालयका प्रवत्ता जनरल इगोर कोनासेन्कोभले पूर्वी सहर दोनेत्सेको मध्यभागमा युक्रेनी सेनाले सोभियत निर्मित टोच्का यु मिसाइल प्रहार गर्दा उनीहरुको मृत्यु भएको दाबी गरे । दोनेत्सक रुसी समर्थक बिखन्डनकारीको पकड रहेको क्षेत्र हो ।
युक्रेनी हमलामा बालबालिकासहित अन्य २८ सर्वसाधारण गम्भीर घाइते भएको जनरल कोनासेन्कोभले बताएका छन् । युक्रेनी फौजको नियन्त्रणमा रहेको उत्तरपश्चिम क्षेत्रबाट दोनेत्सकमा मिसाइल प्रहार भएको उनले दाबी गरेका छन् ।
युक्रेनी हमलामा बालबालिकासहित अन्य २८ सर्वसाधारण गम्भीर घाइते भएको जनरल कोनासेन्कोभले बताएका छन् । युक्रेनी फौजको नियन्त्रणमा रहेको उत्तरपश्चिम क्षेत्रबाट दोनेत्सकमा मिसाइल प्रहार भएको उनले दाबी गरेका छन् ।
सैन्य सुविधा नभएको दोनेत्सकको क्षेत्रमा भएको गोलाबारी र बम हमला युद्ध अपराध भएको उनले बताए । यसबारे युक्रेनले प्रतिकृया दिएको छैन् ।
रुसी हमलामा युक्रेनका ८५ बालबालिकाको मृत्यु
युक्रेन माथिको रुसी हमलामा अहिलेसम्म ८५ बालबालिको मृत्यु भएको छ । युद्धका कारण दर्जनौँ बालबालिका घाइते भएका छन् ।
‘रुसी संघको आक्रमक सैन्य हमलामा १३ मार्चसम्म ८५ बालबालिका मारिएका छन् भने १०० जना घाइते भएका छन्’ युक्रेनको महान्यायधिवत्ताको कार्यलयले भनेको छ ।
‘रुसी संघको आक्रमक सैन्य हमलामा १३ मार्चसम्म ८५ बालबालिका मारिएका छन् भने १०० जना घाइते भएका छन्’ युक्रेनको महान्यायधिवत्ताको कार्यालयले भनेको छ । मारिने र घाइते हुनेमध्ये अधिकांश किभ, खार्किभ, दोनेत्सक, सुमी, खेर्सन, माइकोलिभ र जाइटोमाइर क्षेत्रका छन् ।
पछिल्लो घटनामा युद्धग्रस्त क्षेत्रबाट सुरक्षित क्षेत्रतर्फ जाने क्रममा सर्वसाधारण सवार एउटा कारमा ११ मार्चमा रुसी सेनाले गरेको गोलाबारीमा एक बालक मारिएका थिए ।
रुसी हमलामा अहिलेसम्म ३६९ ओटा शैक्षिक संस्थामा क्षति पुगेको ५७ ओटा पूर्णरुपमा ध्वस्त भएको प्राप्त विवरणहरुमा जनाइएको छ ।
यसैबीच सोमबार रुसी सेनाले पोल्यान्डसँगको सीमामा रहेको एउटा युक्रेनी आधारमा हमला गर्दा ३५ जनाको मृत्यु र १ सय ३० जना घाइते भएका थिए ।
पछिल्लो समय के हुँदैछ ?
– युक्रेनको आकाशलाई उडान निषेधित क्षेत्र घोषणा गर्न राष्ट्रपति भोलोदोमिर जिलेन्स्कीले नेटोसमक्ष पुन: आग्रह गरेका छन् ।
– रूसले चीनसँग सैन्य तथा आर्थिक सहायता मागेको अमेरिकी अधिकारीहरूले दाबी गरेका छन् ।
– पश्चिमा प्रतिबन्ध छल्न रूसलाई सहयोग गरे चीनले परिणाम भोग्नुपर्ने अमेरिकाले चेतावनी दिएको छ ।
– निरन्तरको बमबारी र रूसी घेराबन्दीमा परेको युक्रेनी बन्दरगाह शहर मारिओपोलमा लाखौँ मानिसहरूले खानेकुरा, खानेपानी र अत्यावश्यक औषधिको अभाव झेलिरहेको रेड क्रसको भनाइ छ।
– युक्रेनका राष्ट्रपति जेलेन्स्कीले युक्रेनी तथा रूसी प्रतिनिधिहरूबीच जारी वार्ता जटिल एवं कठिन भएको बताएका छन् ।
– सर्बियाको राजधानी बेलग्रेडमा पुटिन समर्थक मानिसहरूले जुलुस निकालेका छन् ।
– ईयूले एउटा युक्रेनी सहरबाट त्यहाँका मेयरलाई रूसी फौजले नियन्त्रणमा लिएको घटनाको निन्दा गरेको छ ।
– रूसले इन्स्ट्राग्रामलाई आफ्नो देशमा चल्न नमिल्ने बनाएको विवरणहरू आएका छन् ।
– चीनका एक अधिकारीले आफूहरू लडाइँ नचर्कोस् भन्ने पक्षमा रहेको बताएका छन् ।
यो पनि…
रूसले मद्दत मागेको छैन : चीन
रूसबारे नेटो के भन्छ ?
