‘लभ अफेयरको कुरा छोडौँ, केटीसँग बोल्न पनि लजाउँथें’ (भिडियो पनि)
भक्तपुरस्थित वीरेन्द्र सैनिक आवासीय विद्यालयबाट २०६८ सालमा एसएलसी (एसईई) दिएको थिएँ । पहिलो श्रेणीमा उत्तीर्ण भएकोले खुसी नै थिएँ । त्यो समयमा राम्रो अंक ल्याएमा विज्ञान विषय पढ्नुपर्ने समाज र घरपरिवारको दबाब नै हुन्यो । तर, मलाई कुनै किसिमको दबाब थिएन । घरकाले जुनसुकै विषय पढे पनि राम्रो पढ्नुपर्छ भन्नुहुन्थ्यो ।
स्कुलमा व्यवस्थापन विषय नपढे पनि प्लस टुमा सोही विषय पढ्न मन लाग्यो ।
एसएलसीपछि काठमाडौंको कुमारीपाटीस्थित ओमेगा इन्टरनेसनल कलेजमा होटेल र टुरिजम विषयमा प्लसटु भर्ना भएँ ।
प्लस टु पढ्दा बाहिर गएर रमाइलो गर्नुभन्दा कलेजमै साथीहरूसँग रमाइलो गरियो । साथीभाइ घुम्न गए पनि म जाँदिनथिएँ । स्कुल पढ्दा धेरैपल्ट वनभोज गइयो, तर कलेज पढ्दा कतै गइनँ ।
प्लस टु पढ्दा मेरो केटा साथीहरू मात्रै थिएँ । केटीहरूसँग संगत थिएन, लाज लाग्थ्यो, लभ अफेयर पर्ने कुरै भएन नि । कुनै निश्चित खाजा खानुपर्छ भन्ने नै थिएन । साथीहरूसँग एकै पटक धेरै खाजा मगाएर खाँदाको पल याद आउँछ । त्यतिबेला, बच्चाहरूलाई ट्युसन पढाउँथें । पढाइअनुसार नतिजा पनि आयो ।
स्नातक तहमा आफैँ बुझ्ने भइसकेको थिएँ । यस समयमा भने साथी भाइहरूसँग रमाइलो गर्दै घुमिएका यादहरू धेरै छन् ।
रविभवनस्थित नेपाल एकेडेमी अफ टुरिजम एन्ड होटेल म्यानेजमेन्टमा स्नातक तह भर्ना भएँ । यहाँ पढ्दै नेपाल एयरलाइन्समा ६ महिना इन्टर्न गरे । सोही इन्टर्न सकिएपछि काम गरेँ । तर, कोरोना महामारीमा त्यो काम छोडेँ ।
स्नातक तहको पढाइ पनि सकियो । यही समयबाट कमेडीको करियर शुरु भयो । स्नातकोत्तरलाई निन्तरता दिन सकिनँ । अब पढ्ने योजना छ ।
भिडियो :
फोटो/भिडियो : किरण स्याङ्बो/ मेरो लाइफस्टाइल
यो पनि…
र्यापर बालेन शाह भन्छन्,–‘ इन्जिनियरिङमा युर्निभसिटी टप गरेँ’
‘कलेजको गेट भित्रबाटै ढुंगा हानियो’
