अमेरिकी राष्ट्रपति बाइडेनको कुकुरबाट हैरान भए कर्मचारी !
अमेरिकी राष्ट्रपति जो बाइडेनलाई कुकुर अत्याधिक मन पर्दछ । तर उनका कुकुर कर्मचारीका लागि भने समस्या भएको छ । यी कुकुरले मौका पाउने बित्तिकै ह्वाइट हाउसमा काम गरिरहेका कर्मचारीलाई आक्रमण गर्न थालेको बताइएको छ । हालै मात्र उनको कुकुर मेजरले नेशनल पार्क सर्भिसका कर्मचारीलाई टोकेको हो ।
त्यति मात्रै होइन, ह्वाइट हाउसको नजिक रहेको साउथ लनमा काम गर्ने कर्मचारीलाई पनि टोकेको हो । त्यसपछि घाइते कर्मचारीलाई अस्पताल लगिएको थियो । अहिले उनको अवस्था सुधारोन्मुख छ ।
यसको बारेमा जिल बाइडेनकी प्रेस सचिव मिशेल ला रोसाले बयान जारी गरेकी थिइन् । बाइडेनको डग जेनर वाक गर्नका लागि बाहिर निस्किँदा टोकेको बताइएको छ । बाइडेनसँग दुई जर्मन शेफर्ड मेजर र च्याम्प छन् ।
उनले २००८ को चुनावपछि पहिलो कुकुर च्याम्पलाई घर लगेका थिए भने दोश्रो २०१८ मा किनेका थिए । २०२० मा यहि कुकुरका कारण उनको खुट्टा मर्किएको थियो ।
