आरआरआरले जित्यो बाहुबलीलाई
साउथ इण्डियन फिल्म डाइरेक्टर एसएस राजामौलीको अपकमिङ फिल्म आरआरआरको नर्थ इण्डियन राइट्स रेकर्ड मूल्यमा बिक्री भएको छ ।
मिडिया रिपोर्ट्सका अनुसार राजामौलीको यस फिल्मको नर्थ इण्डियन थिएट्रिकल राइट्स पेन इण्डियाले १४० कररोडमा किनेको हो । यो डीलसँगै आरआरआरको टोटल प्री रिलिज बिजनेश (फिल्म रिलीज हुनुभन्दा पहिलाको बिजनेस) अब करिव ९०० करोड भारतीय रुपैयाँ भएको छ ।
आरआरआर प्री रिलीज बिजनेसको मामिलामा बाहुबलीलाई पछि पार्दै टपमा आएको छ । राजामौलीले नै बाहुबली रिलीज भन्दा पहिला ५०० करोडको अल टाइम रेकर्ड बिजनेस गरेका थिए ।
संसारभरमा आरआरआरको थियेट्रिकल राइट्स टोटल ५७० कोडमा बिक्री भएको छ । त्यस्तै फिल्मको सबै भाषाको थिएट्रिकल, इलेक्ट्रोनिक, स्याटेलाइट र डिजिटल राइट्स टोटल ८९० करोड रुपैयाँमा किनिएको छ । यो फिल्म १३ अक्टोबरमा रिलीज हुनेछ ।
