यस्ता गल्तीले सधैँ घरलाई फोहोर बनाउँछ

घर सधैँ सफा र व्यस्थित होस् भन्ने हामी सबैको चाहना हुन्छ । तर, घरलाई अझ सुन्दर बनाउने प्रयासमा हामी केही यस्ता गल्ती गर्छौं जसले घरलाई झन् अस्तव्यस्त बनाउँछ । कहिलेकाहीँ हामी आफ्नो घरलाई आवश्यकभन्दा बढी सजाउँछौं र हामी यस्ता चिजहरू किन्छौँ जसले घरलाई झन् अस्तव्यस्त बनाउँछ । त्यसैले, आजको यो लेखमा हामी तपाईंलाई यस्ता कुराहरूको बारेमा बताउन गइरहेका छौँ, जसले घरलाई फोहोर बनाउन सक्छ ।

धेरै तकियाको प्रयोग गर्नु

धेरै संख्यामा तकियाको प्रयोग गर्ने धेरै मानिसहरू छन् । आफ्नो घरको ओछ्यान र सोफामा धेरै कुसन तथा तकियाहरूको प्रयोग गर्दा भद्रगोल देखिन्छ । तकियाका कारण हामीले सहज महसुस गर्छौं तर, यसको धेरै प्रयोगले घरलाई फोहोर गराउँछ । साथै, यसले घरलाई अव्यवस्थित देखाउन सक्छ ।

आवश्यकभन्दा बढी सजावट गर्नु

घरलाई सुन्दर बनाउनका लागि सजावट गर्नु धेरै आवश्यक हुन्छ तर कुनै कुराको अत्यधिक प्रयोग हानिकारक हुन सक्छ र घरको सजावट पनि बिग्रन सक्छ । जब हामीले कतै डेकोरेटिभ सामानहरू देख्छौँ, त्यसलाई किन्न मन लाग्छ । अझ विशेषगरी, घरमा ठाउँको समस्या छ भने त यी सजावटी सामानहरूले घरलाई असंगठित नै बनाउँछ । जसले गर्दा रुम सफा गर्न पनि धेरै समय लाग्छ । यसले घरलाई अस्तव्यस्त पनि बनाउँछ ।

धेरै कम्बलको प्रयोग

कम्बलले जाडोयाममा घरलाई न्यानो अनुभूति दिलाउँछ । तर, धेरै कम्बल हुनु वा तिनीहरूलाई राम्ररी नराख्नाले घरलाई फोहोर देखाउन सक्छ । यदि, तपाईहरू कम्बल किन्दै हुनुहुन्छ भने पहिला यो विचार गर्नुहोस् कि तिनीहरू घरको सजावटसँग मेल खाने हुनुपर्दछ । साथै, आवश्यकभन्दा बढी नकिन्नुहोस् यसले घरलाई फोहोर बनाउँछ ।

यो पनि…
इन्टेरियर डेकोरेसनले घरलाई सुन्दर बनाउनुहोस
बाथरूमकाे सरसफाइले देखाउँछ घरको सुन्दरता