अब टिकटकमा १० मिनेटसम्मको भिडियो अपलोड गर्न सकिने
टिकटकमा अब १० मिनेटसम्मको भिडियो अपलोड गर्न सकिनेछ। अमेरिकी प्रविधि वेभसाइट द भर्जका अनुसार कम्पनीका प्रवक्ताले सोमबार उक्त घोषणा गरेका हुन्।
‘हामीले टिकटक अनुभवलाई समृद्ध बनाउन नयाँ तरिकाहरू परीक्षण गरिरहेका छौं,’ उनले भनेका छन्, ‘त्यसैसम्बन्धी टिकटकमा अब १० मिनेटसम्मको भिडिओ अपलोड गर्न सकिने फिचर उपलब्ध गराउने भएका हौं।’
टिकटक पहिलो पटक सार्वजनिक हुँदा यसमा जम्मा १५ सेकेन्डको भिडिओ अपलोड गर्न मिल्थ्यो। पछि एक मिनेटसम्मको भिडिओ अपलोड गर्न मिल्ने सुविधा दिइयो। गत जुलाईदेखि भने प्रयोगकर्ताले ३ मिनेटसम्मको भिडिओ अपलोड गर्न सक्थे। अब भने टिकटकमा १० मिनेटसम्मको भिडिओ अपलोड गर्न सकिने भएको हो।
यो विशेषता समावेश भएसँगै टिकटकमा रचनात्मक भिडिओ अपलोड गर्न प्रयोगकर्ताहरूलाई प्रोत्साहन मिल्नेमा कम्पनी सकारात्मक छ।
अहिले सामाजिक सञ्जालमध्ये टिकटकको लोकप्रियता बढ्दो छ। भिडिओ सेयरिङ एप टिकटकको यही विशेषतालाई पछ्याउँदै सन् २०२०मा इन्स्टाग्रामले रिल्स र युट्युबले सर्ट फिचर सार्वजनिक गरेको थियो।
यो पनि
‘नेपाली पात्रो’को सिईओमा सन्तोष देवकोटा नियुक्त
गेटवे पेमेन्टले युपीआई सञ्चालनका लागि एनपीसीआई र मनमसँग गर्यो सम्झौता
