घरमा प्राकृतिक प्रकाश भित्र्याउने तरिका

घरमा कृत्रिम प्रकाशभन्दा प्राकृतिक प्रकाश धेरै राम्रो हुन्छ । यसले कोठालाई सुन्दर लुक्स दिने मात्र नभएर शरीरको ऊर्जा पनि बढाउँछ ।

यति मात्र नभई यसले घरको बिजुलीको खर्चसमेत बचाउँछ । त्यसैले, तपाईंलाई आज घर उज्यालो बनाउनका लागि केही उपाय बताउँदै छौँ ।

सिसाको झ्यालको प्रयोग

प्राकृतिक प्रकाश तथा सूर्यको प्रकाश ल्याउन घरमा सिसाको झयाल राख्नुहोस् । यसले घरलाई फराकिलो र थप नयाँ ऊर्जा पनि ल्याउनेछ ।

हल्का रङ्गको प्रयोग

सेतो रङ्गको प्रयोगले घरमा प्राकृतिक प्रकाश ल्याउन सकिन्छ । सेतो रङ्गले कोठालाई उज्यालो मात्र नभई शितलतासमेत प्रदान गर्दछ । तर, भित्तामा भने चम्किलो सेतो रङ्गको प्रयोग नगरी हल्का किसिमको रङ्ग लगाउनुपर्छ ।

घरको वरपर हरियाली

घरबाहिर हुने हरियालीले घरमा आउने प्राकृतिक प्रकाशमा पनि प्रभाव पार्छ । तसर्थ, अधिक प्रकाशका लागि बगैँचामा पनि केही ध्यान दिनुहोस् । बेला–बेलामा बिरुवालाई छाँट्नुहोस् ।

हल्का रङ्गका फर्निचर

घरमा राम्रो प्रकाशका ल्याउनका लागि हल्का रङ्गका फर्निचरहरूको प्रयोग गर्नुपर्छ । साथै, झ्याल, ढोका ब्लाइन्ड र पर्दाहरूमा विशेष ध्यान दिनु आवश्यक हुन्छ । भारी र गाढा रङको झ्यालले घरमा आउने प्रकाशलाई रोक्न सक्छ ।

स्काइलाइटको प्रयोग

स्काइलाइटको प्रयोग घरमा प्रकाश तान्ने एक प्रभावकारी तरिका हो । वास्तवमा स्काइलाइटहरूले घरमा कुनै छायाँ नल्याई लगातार सूर्यको किरण घरमा ल्याउँछ ।

यो पनि…
घर सजाउने यस्ता छन् सरल उपाय
वास्तुअनुसार कुन ठाउँमा के राख्दा शुभ हुन्छ ?