हामी सदैव कुनै कुराबाट कसरी छुटकारा पाउने भनेर सोचिरहेका हुन्छौँ । तपाईं कुनै पनि कुराबाट जबर्जस्ती छुटकारा पाउन सक्नुहुन्न । यदि तपाईंले कुनै कुरालाई जबर्जस्ती त्याग्न खोज्नुभयो भने त्यो अर्को रूपमा प्रस्तुत हुनेछ अनि तपाईंभित्र अर्को किसिमको विकार उत्पन्न हुनेछ ।
यदि त्यसलाई त्याग्ने कोसिस गर्नुभयो भने त्यही कुरा तपाईंको मन र चेतनामा पूर्ण रूपमा हाबी हुनेछ । तर यदि तपाईंले अहिले आफूले जानेको भन्दा अझ गहिरो चिज पाउनुभयो भने त्योभन्दा कम महत्त्व रहेको कुरा स्वतः छुट्नेछ । सायद तपाईंलाई यो थाहा हुनुपर्छ कि जो मानिसहरू कुनै बौद्धिक क्रियाकलापमा पूरै संलग्न हुन्छन्, उनीहरू सेक्स गर्नुको सट्टा किताब पढ्न रूचाउँछन् ।
कामवासना र यौन सम्बन्धलाई तपाईंले पछ्याउनुको कारण के हो भने यतिखेर तपाईंको निम्ति त्यही सबैभन्दा परम सुख हो । यदि तपाईंलाई कसैले ‘यो गलत हो, त्यसलाई त्याग’ भन्छन् भने के तपाईं त्यसलाई त्याग्नुहुन्छ ? तर तपाईंले त्योभन्दा उच्च आनन्द चाख्नुभयो भने तपाईंलाई कसैले त्यो कुरा त्याग्न भनिरहनु पर्ला ? त्यो आफैँ छुट्नेछ । अतः तपाईंले अलिकति समय केही आवश्यक कार्यहरूमा खर्चिनुपर्ने हुन्छ जसले गर्दा एउटा विशाल सम्भावना तपाईंको निम्ति यथार्थ बन्नेछ ।
जब तपाईं कुनै विशाल चिज अनुभव गर्नुहुन्छ जसले तपाईंलाई निकै बढी सुख दिन्छ, परम आनन्दमा पुऱ्याउँछ, तब ससाना सुखहरू स्वतः छुट्नेछन् । तपाईंले त्यसलाई त्याग्नुभएको हुँदैन । कुरा यत्ति हो कि तपाईं अब त्यो काम गर्नुहुन्न किनकि तपाईंले आफ्नो निम्ति निकै विशाल कुरा पाउनुभएको छ ।
हामीले शरीरको एउटा भागलाई किन धेरै महत्त्व दिइरहेका छौँ ? वास्तवमा शरीरको कुनै पनि भागलाई त्यस हदसम्मको महत्त्व दिन जरूरी छैन । तर यदि शरीरको कुनै भागलाई त्यस हदसम्म महत्त्व दिनु नै छ भने दिमाग त्यसको लागि योग्य हुनेछ, यौन अङ्गहरू होइनन् ।
यो कुरा तपाईंको जीवनका कयौँ पक्षहरूमा घटेका छन् । तपाईं बच्चा छँदा जुन चिजहरू पूरै संसार बराबर लाग्दथे ती सबै छुटेर गए किनकि तपाईंले यस्तो कुरा पाउनुभयो जुन तपाईंको निम्ति पहिलेको भन्दा उच्च थियो । यहाँ पनि सोही कुरा लागू हुन्छ । जब तपाईं कुनै यस्तो चिजको सम्पर्कमा आउनुहुन्छ जसमा असाध्यै तीव्रता छ जसले तपाईंलाई निकै बढी सुख वा भनौँ परम आनन्द दिन्छ, तब यी यावत् कुराहरू आफैं जानेछन् ।
कामवासना तपाईंभित्रको सानो हिस्सा मात्र हो । फोस्रो र बेतूकको नैतिकताले गर्दा नै मानिसहरू यौन र त्यससम्बन्धी विषयहरूमा अत्यधिक लिप्त भएका हुन् किनकि उनीहरू त्यसलाई जबर्जस्ती छोड्न खोजिरहेका छन् । जब तपाईं पुरुष वा स्त्री भन्नुहुन्छ त्यो एउटा सानो शारीरिक भिन्नता मात्र हो । जसद्वारा खास प्राकृतिक प्रक्रिया पूरा गर्न सकिन्छ ।
हामीले शरीरको एउटा भागलाई किन धेरै महत्त्व दिइरहेका छौँ ? वास्तवमा शरीरको कुनै पनि भागलाई त्यस हदसम्मको महत्त्व दिन जरूरी छैन । तर यदि शरीरको कुनै भागलाई त्यस हदसम्म महत्त्व दिनु नै छ भने दिमाग त्यसको लागि योग्य हुनेछ, यौन अङ्गहरू होइनन् ।
दुर्भाग्यवश सबैथोक उल्टो भइरहेको छ किनकि जताततै बकम्फुसे पाठहरू पढाइँदैछ- ‘तपाईं पवित्र हुनुपर्छ, तपाईंले यसको बारेमा सोच्नुहुँदैन ।’ यस्तै मूर्खतापूर्ण शिक्षाहरूले मानिसहरूको दिमाग भरिएको छ अनि उनीहरू पूरै भद्रगोल बनेका छन् । जीवन वास्तवमा जस्तो छ, यसलाई मानिसहरूले त्यही रूपमा हेर्ने हो भने, कामवासना आफ्नो उचित ठाउँमा रहने थियो ।
तपाईंको जीवनमा एउटा सानो स्थान ओगट्ने थियो । यति विशाल पक्ष बन्ने थिएन । त्यो त्यसरी रहनुपर्छ । हरेक प्राणीमा यो त्यसरी नै रहेको हुन्छ । जनावरहरू जतिबेला पनि त्यसको बारेमा सोचिरहँदैनन् जब उनीहरूमा त्यसको आवश्यकता हुन्छ । त्यो व्यक्त हुन्छ । अरू समयमा उनीहरू निरन्तर यो विचारमा फस्दैनन् कि को भाले हो, को पोथी हो ? मानिसहरू मात्रै त्यसमै अल्झिरहेका छन् ।
एक पलको लागि पनि उनीहरू त्यसलाई छोड्न सक्दैनन् । यसको कारण के हो भने जीवनसँग सरोकार नै नराख्ने वाहियात नैतिकता र मूर्खतापूर्ण शिक्षा उनीहरूभित्र घुसेका छन् । जीवन जस्तो छ यसलाई त्यही रूपमा हेर्न सकेको भए अधिकांश मानिसहरू छोटो समयमै त्यसबाट बाहिर निस्किने थिए । कयौँ मानिसहरू त्यसमा नफसिकनै त्यसबाट बाहिर निस्किन सक्छन् । जीवनलाई अनुपयुक्त ढङ्गले हेरिएकोले सबैथोक विकृत भएको छ अनि बढाइ–चढाइ गरिएको छ, कुरा त्यत्ति हो । सदगुरुको प्रवचन
नेपालको लोकप्रिय ब्रान्ड टुपीएम स्न्याक्स् एण्ड नुडल्स् ब्राण्डले भारतको मुम्बईमा आयोजित समारोहमा रिलायन्स रिटेलद्वारा प्रतिष्ठित “फ्युचर फर्वार्ड स्टार ब्रान्ड” पुरस्कार
