नेपालमा एमसीसीबारे अमेरिका र चीन सवाल-जवाफ : कसले के भने ?

अमेरिकाले एमसीसी अनुमोदन नेपालको सार्वभौम निर्णय भएको बताएको छ । नेपालका लागि अमरिकी राजदूतावासले यसलाई अनुमोदन गर्ने वा नगर्ने भन्ने नेपालको निर्णय भएको बताएको छ ।

एमसीसी अनुमोदनका लागि अमेरिकाले नेपालमाथि धम्कीपूर्ण कूटनीति प्रयोग गरिरहेको आरोप उत्तरी छिमेकी चीनले लगाएको भोलिपल्ट शनिबार काठमाडौंस्थित अमरिकी दूतावासले एमसीसीको सामाग्री बेवसाइटमा राखेको छ ।

यो वर्ष नेपाल र अमेरिकाबीचको सम्बन्धको ७५औँ वर्ष भएको र यी ७५ वर्षमा नेपालमा ठूला परिवर्तनहरू भएको उल्लेख गर्दै बेवसाइटमा यी परिवर्तनमा अमेरिका नेपालको साथमा उभिएको बताइएको छ ।

‘हामी नेपालको साथमा उभिएका छौँ र हामीले नेपाललाई विकास सहायता, विपद् प्रतिकार्य तथा पूर्वतयारी सहयोग, शिक्षा र स्वास्थ्य कार्यक्रमहरूका साथै थप माध्यमबाट मद्दत गरेका छौँ,’ अमेरिकी दूतावासले भनेको छ ।

‘हामी नेपालको साथमा उभिएका छौँ र हामीले नेपाललाई विकास सहायता, विपद् प्रतिकार्य तथा पूर्वतयारी सहयोग, शिक्षा र स्वास्थ्य कार्यक्रमहरूका साथै थप माध्यमबाट मद्दत गरेका छौँ,’ अमेरिकी दूतावासले भनेको छ ।

अमेरिकाले नेपाली नेताहरूले एमसीसीको अनुमोदन गर्छन् या गर्दैनन् भन्ने निर्णय नेपालले गर्ने बताएको छ । ‘नेपाली नेताहरूले एमसीसीको अनुमोदन गर्छन् या गर्दैनन् भन्ने निर्णय नेपालले गर्ने हो, एउटा सार्वभौम लोकतान्त्रिक मुलुकका रूपमा र यो केवल नेपालको निर्णय हो,’ विज्ञप्तिमा भनिएको छ ।

५० करोड डलर बराबरको यो एमसीसी अमेरिकी जनताको तर्फबाट उपहार भएको जनाइएको छ । ‘५० करोड डलर बराबरको यो मिलेनियम च्यालेन्ज कर्पोरेसन (एमसीसी) अनुदान अमेरिकी जनताका तर्फबाट उपहार हो ।,’ यो दुई मुलुकबीचको साझेदारी भएको जनाउँदै अमेरिकाले यसले नेपालमा रोजगारी र पूर्वाधार ल्याउने र नेपालीहरूको जीवनमा सुधार गर्ने जनाएको छ ।

शुक्रबार चिनियाँ विदेश मन्त्रालयका प्रवक्ता वाङ वेन्बिनले नेपालमा एमसीसीबारे अमेरिकाको गतिविधिलाई ‘जबरजस्तीपूर्ण कूटनीति’ को संज्ञा दिएका थिए । त्यसको आफूहरूले विरोध गर्ने टिप्पणी उनको थियो ।

‘यो परियोजनाका निम्ति नेपाल सरकार र नेपाली जनताबाट नै आग्रह गरिएको हो र यसलाई पारदर्शी रूपमा गरिबी न्यूनीकरण गर्ने तथा नेपालको अर्थतन्त्रमा वृद्धि गर्ने किसिमले तयार पारिएको छ,’ अमेरिकाले भनेको छ ।

शुक्रबार चिनियाँ विदेश मन्त्रालयका प्रवक्ता वाङ वेन्बिनले नेपालमा एमसीसीबारे अमेरिकाको गतिविधिलाई ‘जबरजस्तीपूर्ण कूटनीति’ को संज्ञा दिएका थिए । त्यसको आफूहरूले विरोध गर्ने टिप्पणी उनको थियो । एमसीसीलाई लिएर नेपाली राजनीति तीव्र रूपमा ध्रुवीकृत भइरहँदा चीनको त्यस्तो टिप्पणी आएको हो ।

प्रवक्ता वाङलाई उद्धृत गर्दै सरकारी मुखपत्र ग्लोबल टाइम्सले लेखेको छ, ‘अन्तर्राष्ट्रिय समुदायले नेपालसँग सहकार्य गर्न, उसको अर्थतन्त्रको विकासमा योगदान पुर्‍याउने र जीवनस्तर उकास्ने कुराको चीन स्वागत गर्छ । तर यी कुराहरू कुनै राजनीतिक शर्तहरूविना नेपाली जनताको इच्छामा आधारित हुनुपर्ने वाङले बताउनुभएको छ ।’

यो पनि
एमसीसीविरुद्धको संघर्ष गम्भीर मोडमा पुगेको निष्कर्ष
एमसीसीमा सत्ता गठबन्धनका पाँच दल पाँचतिर, कसको पोजिसन के ?