English

सुनलाई ‘भाग्यशाली’ मान्ने बप्पीले पाएका थिए सुनकाे टिसर्ट उपहार



बलिउडका लोकप्रिय गायक तथा संगीतकार बप्पी लाहिरीको लामो अस्वस्थतापछि ६९ वर्षको उमेरमा मंगलबार राति निधन भयो । उनी ओब्स्ट्रक्टिव स्लीप एपनिया(ओएसए) र रिकरेन्ट चेस्ट इन्फेक्सनबाट पीडित थिए ।

गीत–संगीत उद्योगमा चर्चित उनी सुन प्रेमका कारण पनि चर्चामा आइरहन्थे । बप्पी सुनलाई भाग्यशाली मान्थे, त्यही कारण सुनलाई उनले कहिल्यै छोडेनन् । सुनको गहना लगाएर बप्पीले आफ्नो सिग्नेचर लुक सिर्जना गरे, जुन सदाका लागि सम्झनलायक बन्यो ।

एक अन्तर्वार्तामा बप्पीले सुनप्रति आफ्नो मोहलाई खुलाएका थिए। उनका अनुसार उनी अमेरिकन स्टार एल्विस प्रेस्लीको ठूलो फ्यान थिए । एल्विसलाई उनको हरेक प्रस्तुति पछि सुनको चेन लगाइदिने गरिन्थ्यो । त्यो समयमा बप्पी संघर्षको यात्रामा थिए । एल्विसलाई सुनको चेन लगाइदिएको देखेपछि उनले आफूले पनि सफलता पाएपछि धेरै सुनको चेन र गहना लगाउने वाचा गरेका थिए । उनले त्यो वाचा साँच्चै नै पूरा गरे । उनले शरीरमा सुनको गहना यति धेरै लगाए कि उनलाई भारतको ‘गोल्डमेन’को उपाधि नै दिइयो ।

उनी जहिल्यै गलामा कैयौं मोटा-मोटा चेन, औंलामा कैयौं औँठी लगाउँथे । यी गहना उनका लागि विशेष थिए । उनले गलामा जति चेन लगाए, ती चेनको आफ्नै नाम थियो । भगवानप्रति अथाह आस्था राख्ने बप्पीसँग चेनको नाम गणपति बप्पा, हरे कृष्णा, बालाजी, जय माँ दुर्गा राखेका थिए । उनले आमाबाट उपहारका रुपमा पाएको पहिलो चेनको नाम हरे कृष्णा राखेका थिए । उनीसँग सुनको ब्रासलेट र औँठीको कलेक्सन नै थियो ।

सुनको सौखिन बप्पीले पछिल्लोपटक सुनको टिसर्ट धनतेरसमा पाएका थिए । उनले यो टिसर्ट श्रीमतीबाट उपहारस्वरूप पाएका थिए । ‘डिस्को डान्सर’ गायक बप्पीले सन् २०१४ मा भएको लोकसभा चुनावको समयमा आफ्नो सम्पत्ति र सुनचाँदीको विवरण पनि बुझाएका थिए । त्यो समयमा उनले विवरणमा ७ सय ५२ ग्राम सुन, ४ किलाे ६३ ग्राम चाँदी उल्लेख गरेका थिए । बप्पी २० करोड सम्पत्तिका मालिक थिए ।

यो पनि
बप्पी लाहिरी : गिनिज बुकमा नामदेखि माइकल ज्याक्सनसमेत फ्यान



सम्बन्धित खबरहरु

‘द स्कुल वाल’ ले ‘छैटौं नेपाल कल्चरल इन्टरनेशनल फिल्म फेस्टिभलमा उत्कृष्ट राष्ट्रिय बाल चलचित्र पुरस्कार प्राप्त गरेको छ । ऐना

आज सोनाम ल्होसारयसकारण मनाउन थालियो ल्होसार तामाङ समुदायको सांस्कृतिक पर्व सोनाम ल्होसारका अवसरमा सरकारले आज बिहिबार देशभर सार्वजनिक बिदा दिएको छ।समुदायले

एपी शर्माको संगीत र शब्दमा आधारित तथा कैसिलोको स्वर र प्रस्तुति रहेको नयाँ म्युजिक भिडियो “भ्यालेन्टाइन” सार्वजनिक भएको छ।मिस्टर जेसीडीको निर्देशनमा तयार यो म्युजिक भिडियोले प्रेमका भावनालाई आधुनिक शैलीमा प्रस्तुत गरेको छ।   गीतको बोल “भ्यालेन्टाइन” प्रेम, रोमान्स र गहिरो भावनाको समायोजन हो ।   यसले भ्यालेन्टाइन डेको पर्खाइ मात्र नभई, प्रेमलाई दिन विशेष बनाउनेहरेक दिनको महत्त्वलाई व्यक्त गर्दछ। “फेब्रुअरीको पर्खाइ गर्न सक्दिन, मलाई माया गरिदेऊ” भन्ने गीतका शब्दहरूले प्रेमीहरूलाई आफ्नो भावनाहरूखुलस्त रूपमा व्यक्त गर्न प्रेरित गर्ने सन्देश दिन्छ।   गीतमा प्रेम, वफादारी, र रोमान्सको भावना झल्किएको छ नाइजेरियामा छायांकन गरिएको भिडियोको भिजुअल प्रस्तुति गीतकै भावना अनुसारजीवन्त र कलात्मक छ। मुख्य भागहरूमा प्रेममा परेका मानिसहरूको भावनालाई प्रतीकात्मक रूपमा प्रस्तुत गरिएको छ।   म्युजिक भिडियोले उत्कृष्ट छायांकन र निर्देशनमार्फत प्रेम र रोमान्सलाई अझ रोचक बनाएको छ। भिडियोमा आधुनिक शैलीका शब्द र धुनलेयुवाहरूको मन जित्ने प्रयास गरिएको छ।   गीत “एपी म्युजिक” युट्युब च्यानलमा उपलब्ध छ, जसले छोटो समयमा नै दर्शकहरूको मन जित्ने सम्भावना राख्दछ। “भ्यालेन्टाइन” गीतले प्रेमदिवसलाई अझ विशेष बनाउन प्रेरणा दिने अपेक्षा गरिएको छ।   नेपाली डायस्पोराले अंग्रेजी गीत-संगीतमा पनि विश्वब्यापी प्रतिस्पर्धा गर्न सुरु गरेको यो एउटा सकारात्मक संकेत हो, जसले नेपाली कलाकारितालाईअन्तर्राष्ट्रिय स्तरमा थप पहिचान दिलाउन मद्दत पुर्याउनेछ।

गुरुङ समुदायको परम्परागत धार्मिक बाजा ढ्याङग्रोमा आधारित रही निर्माण गरिएको चलचित्र ढ्याङग्रो हङकङ र नेपालमा प्रर्दशन हुने भएको छ ।