विश्व इतिहासका मुख्य चार घटना
आज १६ फेब्रुबरी २०२२ । विश्व इतिहासमा आज भएका चार घटना यी हुन् :
हेजबोल्लाह समूहको स्थापना
सन् १९८५ मा हेजबोल्लाह समूह स्थापना भएको थियो । लेबनानको राजनीतिक पार्टी तथा लडाकु समूह हेजबोल्लाहलाई विभिन्न पश्चिमेली मुलुकहरुले आतकंकारी संगठनका रुपमा वर्गीकरण गरेका छन् ।
फिडेल क्यास्ट्रो क्युबाका प्रधानमन्त्री
सन् १९५९ मा फिडेल क्यास्ट्रो क्युबाका प्रधानमन्त्री बनेका थिए । सन् १९७६ को डिसेम्बरसम्म प्रधानमन्त्री बनेका क्यास्ट्रो फेरि क्युबाको राज्य परिषदको अध्यक्ष भएका थिए । उनले सन् २००८ को फेब्रुवरीमा आफ्नो पदबाट राजिनामा दिएका थिए ।
किम जोङ इलको जन्म
आजकै दिन उत्तर कोरियाली नेता किम जोङ इलको जन्म भएको थियो । सन् १९४१ को १६ फेब्रुबरीमा रसियाको साइबेरियमा जन्मिएका इलको मृत्यु २०११ को १७ डिसेम्बरमा भएको थियो ।
क्वेटो प्रोटोकल कार्यान्वयन
सन् २००५ को १६ जनवरीदेखि क्वेटो प्रोटोकल कार्यान्वयनमा आएको थियो । सन् १९९७ मा जलवायुसम्बन्धी राष्ट्रसंघीय सम्झौता क्वेटो प्रोटोकलमा हस्ताक्षर भएको थियो ।
विश्वबाट हरितगृह ग्यासको उत्सर्जन घटाउन सो सम्झौतामा विभिन्न देशहरुले हस्ताक्षर गरेका थिए । अमेरिकाले भने सो सम्झौता अनुमोदन गरेको थिएन् ।
