म्यानमार बम आक्रमण : देश छोडेर भाग्न थाले नागरिक

म्यानमारमा सेना दिन प्रतिदिन आक्रमक भइरहेको छ । शनिवार मात्रै एक मृतकको शव यात्रामा यस्तै घटना देखियो । घटना थियो, शव यात्रामा सेनाको ओपन फायरिङ । शुक्रवार मात्रै एयरफोर्सले बोर्डर नजिक रहेको एक गाउँमा हवाई आक्रमण गरेको थियो ।

यसमा बच्चासहित केही मानिसको मृत्यु भएको थियो । यो बम हमला गरिएको गाउँ म्यानमारको दक्षिणपूर्व करेन राज्यमा छ ।

त्यहाँका मानिस सेनाको आक्रमणका डरले थाइल्याण्ड पलायन हुन थालेका छन् । अहिलेसम्म ३ हजार मानिस त्यहाँबाट थाइल्याण्ड पलायन भएका छन् । यो क्षेत्रमा बिद्रोही गुट करेन नेशनल यूनियनको कब्जा छ, जो हालै मात्र सेन्ट्रल म्यानमार पुगेको हो । शनिवार सेनाले उक्त क्षेत्रमा राती ८ बजे हमला गरेको थियो ।

सेनाले आफ्नो बिग्रेड ५ फोर्सको नियन्त्रणमा रहेको क्षेत्रमा फाइटर जेटद्वारा बम खसालेको थियो, त्यसपछि त्यहाँ गृहयुद्धको अवस्था सिर्जना भएको छ । तर, हालसम्म सेनाको पक्षबाट कुनै प्रतिक्रिया आउन सकेको छैन ।

२०१५ मा सरकारसँग गरेको थियो युद्धविरामको सम्झौता

यो क्षेत्रमा गत केही वर्ष यताकै यो ठूलो हमला मानिन्छ । केएनयूले २०१५ मा सरकारसँग युद्धविरामको सम्झौता गरेको थियो । सेनाले गत १ फेब्रुअरीमा सत्ता आफ्नो कब्जामा लिएको थियो । यो भन्दा पहिला पनि केएनयूले सेनाको एक क्याम्पमा हमला गरेको बताएको थियो । यस हमलामा लेफ्टिनेन्ट कर्नेलसहित १० सैनिकको निधन भएको थियो ।

शनिवार ११४ प्रदर्शनकारीको गयो ज्यान

म्यानमारको सत्ता सेनाले कब्जा गरेपछि त्यसको प्रदर्शनमा उत्रिएका ११४ जनाको शनिवार ज्यान गएको छ । सेनाले सत्ता कब्जा गरेपछि एकै दिनमा यति धेरै मानिसको मृत्यु भएको यो पहिलो पटक हो । शनिवार नै म्यानमारमा ‘आर्म्ड फोर्सेज डे’ मनाइएको थियो । यस दिन सेनाले आफ्नो शक्ति प्रदर्शन गरेको थियो । शनिवार ४४ शहरमा भएका प्रदर्शनमा ११४ जनाले ज्यान गुमाएका हुन् । यसमा तीन जना बालबालिका समेत रहेका छन् ।

१२ देशका रक्षा प्रमुखले गरे म्यानमारको आलोचना

१२ देशका रक्षा प्रमुखले म्यानमारको आलोचना गरेका छन् । यसमा अमेरिका, बेलायत, जर्मनी, इटाली, डेनमार्क, ग्रीस, नेदरल्याण्ड, क्यानडा, अष्ट्रेलिया, न्यूजिल्याण्ड, दक्षिण कोरिया र जापान रहेका छन् । यी सबै देशले म्यानमारको निन्दा गरिरहेका छन् ।

भएको के हो ?

कार्यवाहक राष्ट्रपति तथा पूर्व सैन्य जनरल मीन्ट स्वीद्वारा हस्ताक्षर गरिएको घोषणामा सन् २०२० नोभेम्बर ८ मा भएको चुनाव निष्पक्ष नभएको भन्दै ‘माथिल्लो र तल्लो सदनको बैठकलाई केही समय थाँती राख्ने आफ्नो अनुरोध नमान्नु’ लाई सू की लगायत शीर्ष नेताहरुलाई नियन्त्रणमा लिनुको मुख्य कारण बताइएको छ ।

चुनावमा नेशनल लिग फर डेमोक्रेसीसँग भारी मतान्तरले हारेपछि सेनाले नवनिर्वाचित संसदलाई केही समय ‘होल्ड’ हुन भनेको थियो । संसदको पहिलो बैठकलाई रोक्ने सेनाको प्रयासका वावजुद बैठक स्थगन नहुने देखिएपछि सेनाले यस्तो कदम उठाएको थियो ।