अमेजनले तिर्यो ‘लाइगर’ लाई ६० करोड
साउथ सुपरस्टार विजय देवरकोन्डाको बहुप्रतिक्षित फिल्म ‘लाइगर’ लाई लिएर दर्शकमाझ छुट्टै उत्साह छ । यही फिल्मबाट विजयले बलिउडमा पाइला चाल्दैछन् । विजयलाई हिन्दी दर्शकले फिल्म ‘अर्जुन रेड्डी’का कारण चिन्दछन् । जुन फिल्म बक्सअफिसमा सुपरहिट साबित भएको थियो ।
हालै मात्र फिल्मका निर्माताले फिल्मको डिजिटल राइट अमेजन प्राइम भिडियोलाई बेचेका छन् । उनीहरूले ६० करोड रुपैयाँमा फिल्म बिक्री गरेका हुन् । फिल्मका निर्माताहरूले ८० करोड माग गरे पनि अमेजन भने ६० करोडबाट अगाडि बढ्न चाहेन । यो फिल्म पहिला थिएटरमा रिलिज हुनेछ । त्यसपछि मात्र निर्माताले यसलाई ओटीटीमा रिलिज गर्ने बताइएको छ ।
फिल्म ‘लाइगर’ मा विजयसँगै अभिनेत्री अनन्या पाण्डेको अभिनय छ । फिल्मको सेटबाट केही समयअघि दुवैको तस्बिर सार्वजनिक भएको थियो । जसमा दुवैजना स्टन्ट गरिरहेको देख्न सकिन्छ ।
फिल्ममा विजय र अनन्याका अलावा माइक टाइसन पनि देखिँदैछन् । माइकले केही दिनअघि फिल्मको लागि सुटिङ पूरा गरेका थिए । फिल्ममा माइकको स्पेसल केमियो हुनेछ । फिल्ममा विजयले माइकबाट प्रभावित बक्सरको भूमिका निभाउँदैछन् ।
यो पनि
अनुपम खेरले सार्वजनिक गरे ‘उचाइ’ लुक्स
ओटीटीमा ‘अन्तिमः द फाइनल ट्रुथ’को रेकर्ड
