आँपको रूखमा ४ तले घर

घर बनाउँदा काठ पातका लागि रूख काटिन्छ । तर नकाटी रुख भित्रै घर बनाएको सुन्दा अच्चम लाग्न सक्छ । भारतको उदयपुरमा रूखभित्रै ४ तले घर बनेको छ । कुल प्रदीप सिंहले ८० वर्ष पुरानो आँपको रूख नकाटेरै घर बनाएका हुन् । 

सिंहले सन्, २००० मा घर बनाएका थिए, जसको चर्चा हाल विश्वभर भइरहेको छ । यो ट्रिहाउस एक फुल फिनिसिङ घर हो । जसमा सबै सुविधाहरू उपलब्ध छन् । यो घर बनाउन वातावरणविद् सिंहले रूखको एउटा हाँगा पनि काटेका छैनन् । सिंहले रूखको हाँगाअनुसार घरको डिजाइन गरेका छन् । यस घरमा, भान्सा, शयनकक्ष, भोजनकोठा र पुस्तकालयलगायत सबै सुविधाहरू छन् । 

अचम्मको कुरो त के छ भने उक्त घरभित्रै फलहरू फलेका छन् । घरमा धेरै झयालहरू जडान गरिएको छ । जसका कारण चराहरू फल खान घरभित्रै आइरहन्छन् । सिमेन्ट प्रयोग नगरिएको यस घरमा फाइबर र स्टिल प्रयोग गरिएको छ । जब धेरै हावा चल्न थाल्छ तब घर पनि हावामा झुल्न थाल्छ । कुल प्रदीप सिंह आइटी इन्जिनियर हुन् ।

यो पनि…
अचानक गायब भएपछि गुगलले पनि हटायो टापु
अनौठो हिमपातले रुसमा समस्या