साताको दोस्रो कारोबार दिन सेयर बजार दोहोरो अंकले बढेर बन्द भएको छ । अघिल्लो कारोबार दिन अर्थात आइतबार ४०.५७ अंकले घटेर बन्द भएकोनेप्सेआज १५.६९ अंक बढेर २८५१.८६ विन्दुमा पुगेको हो ।
नेप्से सूचक बढे पनि कारोबार रकम भने निरन्तर जसो घट्न थालेको छ । गत सातासम्म ८ अर्ब बढीको शेयर कारोबार भैरहेको थियो । तर सोमबार भने २२४ कम्पनीका ९५ लाख १२ हजार ५८० कित्ता शेयर किनबेच भएर ५ अर्ब २ करोड २० लाख रुपैयाँको मात्रै शेयर कारोबार भएको छ ।
अघिल्लो कारोबार दिन अर्थात आइतबार ५ अर्ब ८३ करोड ६४ लाख रुपियाँ बराबरको शेयर कारोबार भएको थियो ।
आज नेपाल इन्फास्टक्चर बैंकको शेयरमूल्य सर्वाधिक ८.४२ प्रतिशतले बढेको छ । यस्तै छ्याङ्दी हाइड्रोपावरको ६.८३ प्रतिशत र सानिमा लाइफको शेयरमूल्य ५.०४ प्रतिशतले बढेको छ । नेशनल हाइड्रोपावर, बोट्लर्स नेपाल तराई, र नेपाल हाइड्रो डेभलपर्स पनि शेयरमूल्य ४ प्रतिशत भन्दा धेरैले उकालो लागेको छ ।
कारोबार रकमका आधारमा यस दिन नेपाल इन्फास्टक्चर बैंक शीर्ष स्थानमा रहेको छ । सो कम्पनीको यस दिन ४९ करोड ३४ लाख रुपियाँ बराबरको शेयर कारोबार भएको छ ।
यता सबैभन्दा धेरै शेयरमूल्य घट्नेमा भने बुद्धभुमी नेपाल हाइड्रोपावर रहेको छ । बुद्धभुमीको शेयरमूल्य ४.५७ प्रतिशतले घटेको छ । यस्तै सर्पोट माइक्रोफाइनान्स, साहस उर्जा, विन नेपाल लघुवित्त, नेपाल लाइफ इन्स्योरेन्स लगायतको शेयरमूल्य पनि २ प्रतिशतभन्दा बढी घटेको छ ।
कारोबार रकमका आधारमा यस दिन नेपाल इन्फास्टक्चर बैंक शीर्ष स्थानमा रहेको छ । सो कम्पनीको यस दिन ४९ करोड ३४ लाख रुपियाँ बराबरको शेयर कारोबार भएको छ । त्यसैगरी, नेशनल हाइड्रोपावर कम्पनीको २७ करोड ६६ लाख रुपियाँ र अरुण भ्याली हाइड्रोपावरको २५ करोड १६ लाख रुपियाँ बराबरको शेयर किनबेच भएको छ ।
सोमबार कारोबारमा आएका १३ उपसमूहमध्ये ३ उपसमूहको परिसूचक घटेको छ भने बाँकी ९ उपसमूहको परिसूचक बढेको छ । यस दिन लगानी उपसमूहको परिसूचक ३.०६ प्रतिशत बढेको छ भने अन्य उपसमूहको परिसूचक पनि २.२९ प्रतिशत बढेको छ ।
बैंकिङ्ग उपसमुहको परिसूचक सर्वाधिक ०.२१ प्रतिशतले घटेको छ । यस्तै होटल तथा पर्यटन उपसमुहको परिसूचक ०.१४ प्रतिशत र माइक्रोफाइनान्स उपसमुहको परिसूचक . प्रतिशतले घटेको छ ।
