अचानक गायब भएपछि गुगलले पनि हटायो टापु
विश्वमा वर्षौदेखि देखिएको एउटा टापुको बारेमा अनौठो खबर सार्वजनिक भएको छ । हालसम्म गुगल नक्सामा देखिएको टापु अचानक गायब भएको छ ।
जेम्स कुकले उक्त टापु सन् १७७४ मा पत्ता लगाएका थिए । यसको लम्बाइ २२ किलोमिटर र चौडाइ पाँच किलोमिटर रहेको उनले दाबी गरेपछि यस टापुको नाम ‘स्यान्डी आइल्यान्ड’ राखिएको थियो । जेम्सले प्रशान्त महासागरमा यो टापुको अस्तित्वको बारेमा कुरा गरेका थिए ।
जब वास्तविकता पत्ता लाग्यो, मानिसहरू छक्कै परे । कुनै समय यो टापु गुगलमा देख्न सकिन्थ्यो । तर, अनुसन्धानकर्ताले यो टापु नभएको खुलासा गरेपछि गुगलले यसलाई नक्साबाट पनि हटायो ।
अझ रोचक कुरा त के हो भने जर्मनीले पनि १९औं शताब्दीको नक्सामा यस टापुको अस्तित्व दाबी गरेका छन् । पछि आशंका बढेपछि १९५९मा फ्रान्सेली हाइड्रोग्राफिक सर्भिसले उक्त टापुलाई समुद्री नक्साबाट हटाएको थियो ।
अस्ट्रेलियाका वैज्ञानिकहरूले नोभेम्बर २०१२ एक अनुसन्धानको क्रममा यो टापु त्यहाँ नभएको पत्ता लगाए । वैज्ञानिकहरूले समुन्द्रको गहिराइ नाप्दा ४ हजार ३ सय फिटभन्दा बढी गहिराइ नभएको पाइएपछि यो टापुको विषय अझ रोचक बन्दै गएको छ ।
यो पनि…
बेहुलाले मण्डपमै थप्पड हानेपछि बेहुलीले गरिन् देवरसँग विवाह
यो समुदायको अनौठो चलन : अन्त्येष्टिपछि पिउने गर्छन् मृतकको खरानीको सुप
