रुपन्देहीकोसुद्धोधन गाउँपालिका-५ मानपकडीको मसानघाट अहिले सेल्फी खिच्ने रमणीय पार्क बनेको छ । केही समयअघिसम्म यहाँ दिउँसै पनि कोही आउँदैन थिए । यति मात्रै होइन मसानघाटको बाटो हुँदै कतै जानु परे साथी नलिइ कोही हिड्दैनथे । तर, अहिले यहाँ साँझ अबेरसम्म पनि चहलपहल हुन्छ ।
स्थानीय तहको प्रयासमा सुखली घोला मन्दिर छेउको बगर अहिले हेर्नलायक पर्यटकीय स्थल बनेको छ । सरकारले सार्वजनिक जग्गाको संरक्षण गर्न आदेश दिएसँगै सुद्धोधनमा अहिले पर्यटकीय गन्तव्य थपिन थालेका छन् । अहिले दैनिक सयको हाराहारीमा टिकट काटेरै पार्कभित्र जाने गरेको पार्क प्रशासनले जनाएको छ । गत मंसिर महिनादेखि सुरु भएको पार्क निर्माण पूरा भइ अहिले सयौं पर्यटक आउन थालिसकेका छन् ।
सार्वजनिक जग्गाको संरक्षण गरी खुला क्षेत्रका रूपमा विकास गर्ने भन्दै स्थानीय सरकारको पहलमा ०७५ सालमा जग्गा संरक्षण सुरु भएको हो । सुखली घोला बगरमा रहेको मसानघाट अन्यत्र सारेर जग्गा संरक्षण गर्ने अठोट गरेको सुद्धोधन गाउँपालिकाले जनाएको छ । केही समय विवाद भए पनि गाउँपालिकाले मसानघाटलाई घोला नजिकै व्यवस्थित रूपमा स्थानान्तरण गरेपछि स्थानीय पनि सहमत भएका हुन् ।
जग्गा संरक्षण गरी पहिलो वर्ष २०७६/७७ मा तारबार गरियो । गाउँपालिकाले सुरुवाती चरणमा २० लाख खर्चेर पार्क बनाउने अवधारणा अघि सार्यो । गाउँ पर्यटन कार्यालयले पनि ३० लाख बजेट विनियोजन गर्यो । गाँउपालिकाले यही वर्ष पुनः ५८ लाख ५६ हजार पार्कमा लगानी गर्यो ।
स्थानीय तहको प्रयासमा सुखली घोला मन्दिर छेउको बगर अहिले हेर्नलायक पर्यटकीय स्थल बनेको छ । सरकारले सार्वजनिक जग्गाको संरक्षण गर्न आदेश दिएसँगै सुद्धोधनमा अहिले पर्यटकीय गन्तव्य थपिन थालेका छन् ।
दोस्रो वर्ष २०७७/७८ पर्यटन कार्यालयले २५ लाख बजेट विनियोजन गरी पार्कको सौन्दर्यीकरणमा थप इँटा थप्ने काम गर्यो । प्रदेश सरकारको समपुरक र गाउँपालिकाले पनि त्यसमा थप ३५ लाख ११ हजार लगानी गरेर शौचालय, फुटपाथ, माटो पटान, फूलबारीलगायत पूर्वाधार निर्माण गर्यो । पार्कको मुहार वर्षेनी फेरिदै गयो । चालु आर्थिक वर्षमा पनि गाँउपालिकाले ४३ लाख लगानी गरेको छ । अहिले पार्क रुपन्देही कै नमूना बनेको छ ।
गाउँपालिकाका प्रमुख प्रशासकीय अधिकृत झविलाल भट्टराईले पर्यटन क्षेत्रको विकास होस् भन्ने उदेश्यले दुई करोडभन्दा बढी लगानीमा पर्यटकीय स्थल बनाउन लागेको बताए । पार्कमा बुद्धको मूर्ति, विभिन्न जनावरको फाइबरका आकृति, वाटर फाउन्टेन फुलबारी, पाम ट्रि, शौचालय, बालबालिकाले खेल्ने सामग्री राखिएको छ । यसै आर्थिक वर्षमा सबै निर्माण सम्पन्न हुने उनले बताए ।
एक बिघा ६ कठ्ठा क्षेत्रफल रहेको पार्क सञ्चालन गर्न समिति नै बनेको छ । समितिले २४सै घण्टा रेखदेख गर्नेगरी संयन्त्र बनाएको छ । लुम्बिनी नजिकै रहेकाले पनि पर्यटकीय गन्तव्यको रुपमा विकास गर्न स्थानीय, प्रदेश र संघ सरकारबाट सहयोग भएको हो । घोलाको पारी ऐतिहासिक मन्दिर पनि छ, त्यसलाई जोड्न घोलामा ढुङा चलाउन सुरुवात गरिएको छ । यसलाई थप विकसित गर्दै लैजाने पालिकाको योजना रहेको प्रशासकीय अधिकृत भट्टराईले बताए ।
अहिले दर्वाह टोल विकास समितिले पार्क व्यवस्थापन गरेको छ । १ मंसिरदेखि सञ्चालनमा आएको पार्क प्रवेशका लागि २० रुपैयाँ टिकट तोकिएको छ । अहिले जिल्लाबाट मात्र होइन बाहिरी जिल्लाबाट पनि पर्यटक आउने गरेको समितिका सचिव जीवलाल पौडेलले बताए । रुपन्देहीमा १६ वटा पालिका छन् ।
आज सोनाम ल्होसारयसकारण मनाउन थालियो ल्होसार तामाङ समुदायको सांस्कृतिक पर्व सोनाम ल्होसारका अवसरमा सरकारले आज बिहिबार देशभर सार्वजनिक बिदा दिएको छ।समुदायले
एपी शर्माको संगीत र शब्दमा आधारित तथा कैसिलोको स्वर र प्रस्तुति रहेको नयाँ म्युजिक भिडियो “भ्यालेन्टाइन” सार्वजनिक भएको छ।मिस्टर जेसीडीको निर्देशनमा तयार यो म्युजिक भिडियोले प्रेमका भावनालाई आधुनिक शैलीमा प्रस्तुत गरेको छ। गीतको बोल “भ्यालेन्टाइन” प्रेम, रोमान्स र गहिरो भावनाको समायोजन हो । यसले भ्यालेन्टाइन डेको पर्खाइ मात्र नभई, प्रेमलाई दिन विशेष बनाउनेहरेक दिनको महत्त्वलाई व्यक्त गर्दछ। “फेब्रुअरीको पर्खाइ गर्न सक्दिन, मलाई माया गरिदेऊ” भन्ने गीतका शब्दहरूले प्रेमीहरूलाई आफ्नो भावनाहरूखुलस्त रूपमा व्यक्त गर्न प्रेरित गर्ने सन्देश दिन्छ। गीतमा प्रेम, वफादारी, र रोमान्सको भावना झल्किएको छ नाइजेरियामा छायांकन गरिएको भिडियोको भिजुअल प्रस्तुति गीतकै भावना अनुसारजीवन्त र कलात्मक छ। मुख्य भागहरूमा प्रेममा परेका मानिसहरूको भावनालाई प्रतीकात्मक रूपमा प्रस्तुत गरिएको छ। म्युजिक भिडियोले उत्कृष्ट छायांकन र निर्देशनमार्फत प्रेम र रोमान्सलाई अझ रोचक बनाएको छ। भिडियोमा आधुनिक शैलीका शब्द र धुनलेयुवाहरूको मन जित्ने प्रयास गरिएको छ। गीत “एपी म्युजिक” युट्युब च्यानलमा उपलब्ध छ, जसले छोटो समयमा नै दर्शकहरूको मन जित्ने सम्भावना राख्दछ। “भ्यालेन्टाइन” गीतले प्रेमदिवसलाई अझ विशेष बनाउन प्रेरणा दिने अपेक्षा गरिएको छ। नेपाली डायस्पोराले अंग्रेजी गीत-संगीतमा पनि विश्वब्यापी प्रतिस्पर्धा गर्न सुरु गरेको यो एउटा सकारात्मक संकेत हो, जसले नेपाली कलाकारितालाईअन्तर्राष्ट्रिय स्तरमा थप पहिचान दिलाउन मद्दत पुर्याउनेछ।
