निर्देशक दिवाकर भट्टराईको नजरमा पढ्नै पर्ने ३ पुस्तक
फिल्म ‘ऐश्वर्य’का निर्देशक दिवाकर भट्टराईलाई फुर्सदको समयमा पुस्तक पढ्न एकदमै मन पर्छ । उनले अहिले सम्म थुप्रै राम्रा राम्रा पुस्तकहररू पढिसकेका छन् । उनलाई आध्यात्मिक पुस्तकहरू पढ्न बढी मन पर्छ । आफुले पढेका थुप्रै पुस्तकहरूमध्ये उनलाई एकदमै मन परेको तीन पुस्तक यस प्रकार छ :
समर लभ
मैले पढेको पुस्तकहरूमध्ये समर लभ असाध्यै मन परेको पुस्तक हो । यस पुस्तका एउटा छुट्टै प्रेमकथा समेटिएको छ । सुबिन भट्टराईको यो पुस्तक युवा पुस्ताहरूले धेरै मन पराएको पुस्तक पनि हो समर लभ । साधारण प्रेम कथामा आधारित यस पुस्तकमा भाषा पनि निकै सरल प्रयोग भएको छ । यसमा भएको कथा मन नपराउने सायद कमै होलान् ।
सोच
कर्ण शाक्य द्वारा लिखित पुस्तक सोच पनि मलाई एकदमै मन परेको पुस्तक हो । यस पुस्तकमा सोचलाई कसरी बदल्नुपर्छ भन्ने कुरा समेटिएको छ । यो पुस्तक पढेर एउटा छुट्टै उर्जा प्राप्त हुन्छ । सोचलाई कस्तो बनाउनु पर्छ भन्ने कुरा पनि यस पुस्तकमा पढ्न पाइन्छ । यो पुस्तक सबैले एकपटक पढ्नै पर्छ ।
माई लाइफ विथ ओशो
म ओशोको भक्त भएकोले ओशोको प्राय सबै पुस्तकहरू मैले पढेको छु । अध्यात्मिक पुस्तकहरूमध्ये ओशोको पुस्तक धेरै पढेको छु । माई लाइफ विथ ओशो पनि एकदमै राम्रो छ । यो पुस्तक पढे पछि छुट्टै आनन्द प्राप्त हुन्छ । दिमाग पनि शान्त हुन्छ ।
यो पनि…
लोक सर्जक खेम सेन्चुरीको नजरमा पढ्नैपर्ने ३ पुस्तक
कोरोनासँगै यसरी बदलियो लाइफस्टाइल
