संक्रमित हुने भन्दा निको हुने दोब्बरले बढे
नेपालमा थप ३ हजार ६ सय ३७ जनामा कोरोना संक्रमण पुष्टि भएको छ भने ७ हजार ५ सय ५५ जना संक्रमण मुक्त भएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा ११ हजार ५ सय ८२ नमूना परीक्षण गर्दा सो संख्यामा संक्रमण पुष्टि भएको हो ।
थपिएका संक्रमितमध्ये सबैभन्दा बढी काठमाडौं उपत्यकामा रहेका छन् । जमसमा काठमाडौंमा ८ सय ६८, भक्तपुरमा ८५ र ललितपुरमा १ सय ७० संक्रमित थपिएका हुन् । यसैगरी, पछिल्लो २४ घन्टामा थप १२ जना कोरोना सङ्क्रमितको मृत्यु भएको छ । यो सँगै नेपालमा कोरोना संक्रमणका कारण ज्यान गुमाउनेको संख्या ११ हजार ७ सय ६४ पुगेको छ ।
नेपालमा हाल ६९ हजार २ सय ९१ सक्रिय संक्रमित रहेको मन्त्रालयले जनाएको छ । जसमा ६७ हजार ८ सय २५ जना संक्रमित होम आइसोलेसन र १ हजार ४ सय ६६ जना संस्थागत आइसोलेसनमा रहेको मन्त्रालयले जनाएको छ । त्यस्तै, २ सय ७० संक्रमितको आईसीयु र ५२ जनाको भेन्टिलेटरमा उपचार भइरहेको छ ।
यो पनि…
कत्तिको खतरनाक छ ओमिक्रोन ? यस्ता हुन्छन् लक्षण
काठमाडौंमा कोरोना बुस्टर डोज, कहाँ–कहाँ छ खोप केन्द्र ?
