कुन अस्पतालमा कति स्वास्थ्यकर्मी संक्रमित
कोरोनाको पहिलो लहरमा पीपीई, मास्क, सेनिटाइजर जस्ता स्वास्थ्य सामग्रीको अभाव भएको थियो । दोस्रो लहरमा आईसीयू, भेन्टिलेटर र बेडको अभाव तथा अहिले तेस्रो लहरमा भने अस्पतालमा जनशक्तिको अभाव सिर्जना भएको छ ।
अस्पतालमा चिकित्सकलगायत अन्य कर्मचारीहरू कोरोना संक्रमित भएपछि चुनौती थपिएको छ । स्वास्थ्यकर्मी नै कोरोना संक्रमणको कारण दैनिक बिरामी पर्न थालेका छन् । जसले गर्दा अस्पतालको सेवा प्रवाहमा समस्या देखिन थालेको छ ।
कुन अस्पतालमा कति कर्मचारी संक्रमित
टेकुस्थित शुक्रराज ट्रपिकल तथा सरुवा रोग अस्पतालमा आजसम्म १५ जना स्वास्थ्यकर्मी संक्रमित भएका छन् । दुई जना डाक्टरसहित नर्स र अन्य स्टाफ संक्रमित भएका छन् । उपत्यकाका अस्पतालमा स्वास्थ्यकर्मी नै संक्रमित हुँदा चुनौती थपिएको अस्पतलका डा. विमल शर्मा चालिसेले बताए ।
‘फ्रन्टलाइनमा खटिएर काम गर्ने डाक्टर तथा नर्सहरू नै संक्रमित भएकोले अस्पतालमा जनशक्तिको अभाव सिर्जना भएको छ ।’
यसैगरी, त्रिवि शिक्षण अस्पतालमा करिब ३ सयको हाराहारीमा डाक्टर तथा नर्सहरू संक्रमित भएको महाराजगञ्जस्थित त्रिवि शिक्षण अस्पतालका कोभिड फोकल पर्सन तथा छाती रोग विशेषज्ञ डा. निरज बम बताउँछन् । ‘फ्रन्टलाइनमा खटिएर काम गर्ने डाक्टर तथा नर्सहरू नै संक्रमित भएकोले अस्पतालमा जनशक्तिको अभाव सिर्जना भएको छ ।’ उनी भन्छन– ‘कोभिडबाट स्वास्थ्यकर्मी संक्रमित हुने दर बढदै गए अस्पतालको सेवा प्रवाह नै कटौती गर्नुपर्ने हुन सक्छ ।’
निजामती कमर्चारी अस्पतालमा लगभग एक सय २० जना डाक्टर र नर्सहरू संक्रमित भएका छन् । फ्रन्टलाइनमा खटिने स्टाफहरूमध्ये ५० प्रतिशत स्वास्थ्यकर्मी संक्रमित भएकोले अस्पतालमा जनशक्तिको कमि भएको अस्पतालका डा. विदेश विष्टले जानकारी दिए ।
कीर्तिपुरस्थित राष्ट्रिय आयुर्वेद अनुसन्धान तथा तालिम केन्द्रमा पाँच जना स्वास्थ्यकर्मी संक्रमित भएका थिए । तर, पोजेटिभ आएको केही दिनमा नै दुई जना डाक्टर र दुई जना नर्स संक्रमण मुक्त भइसकेका छन् । अहिले अस्पतालको स्वास्थ्यकर्मीमध्ये एक जना मात्र सक्रिय संक्रमित रहेको अस्पतालका डा.जितेन्द्र श्रेष्ठले बताए ।
यसैगरी, वीर अस्पतालमा १ सय ५१ जना स्वास्थ्यकर्मी संक्रमित छन् । ४० जना डाक्टर ६५ जना नर्सिङ स्टाफ र ४६ अन्य स्टाफ गरी जम्मा एक सय ५१ जना संक्रमित छन् ।
बलम्बुस्थित सशस्त्र प्रहरी बल अस्पतालमा ८ जना डाक्टरसहित ४० जना स्वास्थ्यकर्मी संक्रमित छन् ।
यसैगरी, वीर अस्पतालमा १ सय ५१ जना स्वास्थ्यकर्मी संक्रमित छन् । ४० जना डाक्टर ६५ जना नर्सिङ स्टाफ र ४६ अन्य स्टाफ गरी जम्मा एक सय ५१ जना संक्रमित छन् ।
नेपाल प्रहरी अस्पतालमा सात जना डाक्टर पाँच जना नर्स र अन्य कर्मचारी गरी जम्मा ३३ जना स्वास्थ्यकर्मी संक्रमित भएका छन् ।
भक्तपुर अस्पतालमा आजसम्म २५ जना स्वास्थकर्मी संक्रमित भएका छन् । ६ जना डाक्टर र १९ जना नर्स तथा हेल्पर गरी जम्मा २५ जना संक्रमित भएका छन् । अन्य धेरै स्वास्थ्यकर्मीहरूमा पनि लक्षणहरू देखिएकोले आज परीक्षण गराइएको छ । अस्पतालमा संक्रमितको संख्या अझै बढ्न सक्ने स्थिति सिर्जना भएको अस्पतालको डा.सुमित्रा गौतमले जानकारी दिइन् ।
यो पनि…
बुस्टर डोजबारे भ्रम र यथार्थ !
नेपालमा एकैदिन १० हजार बढीमा संक्रमण पुष्टि, ५६२ जना निको
