शिक्षा सदनको ब्रान्ड एम्बेसडरमा अभिनेत्री बेनिशा हमाल

शिक्षा सदन एजुकेसन कन्सल्टेन्सीको ब्रान्ड एम्बेस्डरमा अभिनेत्री बेनिशा हमाल नियुक्त भएकी छन् । शनिबार एक कार्यक्रमका बीच संस्थाका प्रबन्ध निर्देशक टीका भुर्तेल र हमालले सम्झौता पत्रमा हस्ताक्षर गरेका हुन् ।

अष्ट्रेलियामा केन्द्रीय कार्यालय रहेको सदनले पोखरामा पनि आफ्नो शाखा बिस्तार गरेको छ । गत शुक्रबारबाट पोखरामा शाखा सुरु गरिएको हो । उच्च शिक्षाका लागि अस्ट्रेलिया, बेलायत, क्यानडालगायत देश जान चाहने विद्यार्थीलाई शैक्षिक परामर्श लगायत सेवा सुविधा दिँदै आएको प्रबन्ध निर्देशक भुर्तेलले जानकारी बताए ।

ब्रान्ड एम्बेसडर हमालले संस्थासँग जोडिन पाउँदा खुसी लागेको बताउँदै सदनको उन्नति र प्रगतिको कामना गरिन् । यसैगरी, प्रबन्ध निर्देशक भुर्तेलले शैक्षिक परामर्शका क्षेत्रमा रहेका विकृति विसंगतिभन्दा अलग रहेर नयाँ तौरतरिकाले परामर्श दिने प्रतिबद्धता व्यक्त गरे । ‘कुनैपनि देश पुगिसकेपछि केही सहयोग चाहिँदा हामी सेवा दिन तत्पर हुनेछौं,’ भुर्तेलले भने ।

यो पनि…
‘कठपुतली’ हेर्नेलाई आइफोन–१२ उपहार, यस्तो छ नियम
आयुषले छाडे सलमानको फिल्म