उत्तर कोरियाले गर्यो फेरि ब्यालेस्टिक मिसाइल परीक्षण

उत्तर कोरियाले एउटा ब्यालेस्टिक मिसाइल प्रहार गरेको छ । उत्तरले प्रहार गरेको मिसाइल पूर्वी सागरमा खसेको दक्षिण कोरियाले जनाएको छ । एक साताअघि मात्र उत्तरले आवाजभन्दा चाँडो पुग्ने हाइपरसोनिक मिसाइल प्रहार गरेको थियो ।

उत्तरले गत साता प्रहार गरेको हाइपरसोनिक मिसाइलबारे राष्ट्रसंघको सुरक्षा परिषदमा छलफल भइरहेका बेला प्योङयाङले फेरि मिसाइल प्रहार गरेको हो । 

‘उत्तर कोरियाले मंगलबार स्थानीय समयअनुसार साढे सात बजे प्रहार गरेको ब्यालेस्टिक मिसाइललाई हाम्रो सेनाले पहिचान गरेको छ,’ सउलको जोइन्ट चिफ अफ स्टाफले संयुक्त विज्ञप्तिमा भनेको छ । उत्तरले मिसाइल प्रहार गरेको जापानले पनि पुष्टि गरेको छ । 

यो पनि
कजाकस्तान संकट : साढे नौ हजार जना जेल चलान
उत्तर कोरियाद्वारा फेरि क्षेप्यास्त्र प्रहार