वर्षा र आसिफलाई लिएर सिरिज बनाइँदै
सामाजिक र परिवारिक कथावस्तुमा निर्माण हुने टिभी सिरिज ‘किन मायामा’मा जी–ट्वान्टी वान डिजिटल र कान्तिपुर टेलिभिजनले सहकार्य गर्ने भएका छन् ।
असिम शाहद्वारा निर्देशित सिरिजको मुख्य भूमिकामा आसिफ शाह र वर्षा राउत अनुबन्धित भएका छन् । अन्य कलाकारहरु चाँडै तय गरिने निर्देशक शाहले बताए ।
१३ एपिसोडमा बन्ने सिरिजको छायांकन कोरोनाभाइरस महमारीको अवस्थामा सुधार भएपछि सुरु हुने भएको छ । कान्तिपुर टिभीबाट प्रसारण हुने र जी–ट्वान्टी वानको डिजिटल प्लेटफर्मबाट सिरिज स्ट्रिमिङ हुनेछ ।
मान्छेहरु अहिले रियालिटी सोको पछाडि दौडिरहेका छन्’ शाहले भने, ‘हामीकहाँ सोसल र फेमिली ड्रामा हेर्न भारतीय टेलिभिजनमा निर्भर हुनुपर्ने बाध्यता छ । नेपाली टिभी दर्शकमा सोसल ड्रामा हेर्ने बानी बसाल्न पनि सिरिज बनाउने निर्णय गरेका हौं ।’
सोसल ड्रामा सिरिजको रुपमा प्रयोग गर्न खोजिएको जानकारी निर्देशक शाहले दिए । अहिले प्रि–प्रोडक्सनमा चरणमा काम भैरहेको छ र लकडाउन भैहाले पनि सानो समूहमा छायांकन गर्ने तयारी रहेको असिमले बताए ।
सिरिज ‘किन मायामा’मा पति पत्नीबीचको सम्बन्धमा आउने उतारचढाव र चिसोपनको कथा समावेश गरिएको छ ।
यो पनि…
‘कठपुतली’ हेर्नेलाई आइफोन–१२ उपहार, यस्तो छ नियम
आयुषले छाडे सलमानको फिल्म
