दुई जनाको मृत्यु हुँदा थपिए यति कोरोना संक्रमित
नेपालमा पछिल्लो २४ घण्टामा ८४१ जनामा कोरोना संक्रमण पुष्टि भएको छ । ८ हजार ८४८ जनामा गरिएको परीक्षणमा ८४१ जनामा संक्रमण पुष्टि भएको हो ।
स्वास्थ्य तथा जनसंख्या मन्त्रालयका अनुसार ३ हजार ७८४ जनाको एन्टिजेन परीक्षण गर्दा २२४ जनामा संक्रमण देखिएको छ । यी मध्ये २७ जनामा ओमिक्रोन भेरियन्ट पुष्टि भएको छ ।
पीसीआर र एन्टिजेन विधिबाट गरिएको १२ हजार ६३२ परीक्षणबाट १ हजार १६७ जनामा कोभिड संक्रमण पुष्टि भएको मन्त्रालयले जनाएको छ । पीसीआर परीक्षणमा ८ लाख ३२ हजार ५८९ जनामा संक्रमण देखिएको छ ।
२४ घण्टामा २२४ जना संक्रमणमुक्त भएका छन् । यो सँगै निको हुनेको संख्या ८ लाख १४ हजार २ सय ३० पुगेको छ ।
त्यस्तै, पछिल्लो २४ घण्टामा कोभिड संक्रमणबाट मृत्यु हुनेको संख्या २ रहेको छ । कोरोनाबाट हालसम्म ११ हजार ६०४ जनाको मृत्यु भएको छ । सक्रिय संक्रमित संख्या ६ हजार ७५५ जना छन् ।
२४ घण्टामा ४५ हजार ४९३१ जनाले खोप लगाएका मन्त्रालयको तथ्यांकमा उल्लेख छ ।
यो पनि…
जाडोमा छालाको हेरचाह कसरी गर्ने ?
यी हुन् फोक्सो क्यान्सरका कारण र लक्षण, कसरी बच्ने ?
