मेसीलाई कोरोना संक्रमण

फ्रेञ्च क्लब पीएसजीका फरवार्ड लिओनल मेसीलाई कोरोना भाइरसको संक्रमण भएको छ। पछिल्लोपटक गरिएको परीक्षणमा मेसीसहित पीएसजीका चार खेलाडीलाई संक्रमण पुष्टि भएको हो । अर्जेन्टाइन फरवार्ड मेसीसहित डिफेन्डरहरू जुवान बर्नट, नाथान बिटुमाजाला र गोलकिपर सर्जियो रिकोलाई कोरोना भएको हो ।

फ्रेञ्च कपअन्तर्गत चौथो श्रेणीको क्लब भानेसविरूद्धको खेलअघि खेलाडीहरूलाई कोरोना भएको हो । कोरोना पुष्टि भएका खेलाडी आइसोलेसनमा बसेको क्लबले जनाएको छ। पीएसजीले सन् २०२२ को पहिलो लिग खेल लियोनसँग ९ जनवरीमा खेल्दै छ।

लिग खेल नेइमारले गुमाउने यसअघि नै पक्का भइसकेको छ। उनी ब्राजिलमा अभ्यास गर्ने क्रममा घाइते भएका थिए । उनी मैदान फर्कन तीन साता पनि लाग्ने बताइएको छ।

यो पनि…
घरेलु उद्योग तथा साना पसल व्यवसाय कहाँ दर्ता गर्ने ?
‘खेती सुरु गर्दा बौलायो भने, अहिले आम्दानी देख्दा लोभ्याउँछन्’