नेप्लिज मार्केटिङ एसोसिएसनको अध्यक्षमा महेश स्वार

कान्तिपुर मिडिया ग्रुपका एजिएम महेश स्वारको अध्यक्षतामा नेप्लिज मार्केटिङ एसोसिएसन(एनएमए) गठन भएको छ । बिहिबार सोल्टी होटलमा आयोजित कार्यक्रममा एनएमएमा स्वारसहित नौ जनाको कार्यसमिति चयन गरिएको हो ।

कार्यसमितिको महासचिवमा त्रिभुवन विश्वविद्यालयका सह–प्राध्यापक डा. गोपाल थापालाई गरिएको छ । यसैगरी, अन्य पदाधिकारीहरुमा सचिवमा सुशिल अवाले, कोषाध्यक्षमा पुनम सिंह रहेका छन् । त्यस्तै, सदस्यहरुमा अभय गोर्खाली, सुमन शाक्य, सिर्जना जोशी महर्जन, सत्येन्द्र उप्रेती र सुरेन्द्र थापा रहेका छन् ।

एनएमएले चार्टर मार्केटर प्रा.डा. तुलसी धरेललाई संघको मानार्थ संस्थापक सदस्यको दर्जा प्रदान गरेको छ । डा. धरेल क्यानेडियन मार्केटिङ एसोसिएसनका ब्रान्ड काउन्सिलका अध्यक्ष, सेन्टेनिअल कलेजका गभर्नर र क्यानडामा शीर्ष २५ आप्रवासी अवार्ड विजेता पनि हुन् ।

एनएमएमा मार्केटिङ व्यवसायी र प्राज्ञिक सदस्यहरू सम्मिलित ६५ जना संस्थापक सदस्य रहेका छन् । यसलाई गैर–नाफामूलक संस्थाको रुपमा दर्ता गरिएको छ ।

कार्यक्रममा प्रा.डा. धरेलले संस्थापक सदस्यहरुलाई सपथ ग्रहणका साथै कार्यसमितिका पदाधिकारी र सदस्यलाई प्रमाणपत्र प्रदान गरेका थिए ।

तस्बिरहरु: किरण लामा/मेरोलाइफस्टाइल