पशुपति र वसन्तपुर क्षेत्रमा चिरोत्थान, फागु पर्व सुरु
फागु पूर्णिमा अर्थात् होली पर्व सुरु गर्नुअघि पशुपति र वसन्तपुर क्षेत्रका सात स्थानमा लिङ्गो गाड्ने काम (चिरोत्थान) गरिएको छ ।
गुह्येश्वरी जङ्गलमा फाल्गुन शुक्ल अष्टमीका दिन बिहान मयलको हाँगो काटी गुह्येश्वरी, गोरखनाथ र पशुपतिमा चढाएर ती स्थानमा लिङ्गो गाडिने परम्परा रहेको छ । मयलको हाँगो काटेर ल्याई नेपाल पञ्चाङ्ग निर्णायक समितिले दिएको साइतअनुसार चिरोत्थान गरिएको हो ।
पशुपति र वसन्तपुर दरबार क्षेत्रका सात स्थानमा लिङ्गो गाड्ने चलन प्राचीन कालदेखि रही आएको छ । आज बिहान चिरोत्थान गरिएसँगै फागु पर्व सुरु भएको मानिन्छ ।
वसन्तपुरका पनि चार स्थानमा चिरोत्थान गरिएको छ । हनुमान ढोका दरबार क्षेत्रका सुन्दरी चोक, दाख चोक, हनुमान मन्दिरअघि र गद्दी बैठकअघि गरी चार स्थानमा लिङ्गो गाडिएको छ । पशुपति र वसन्तपुर दरबार क्षेत्रका सात स्थानमा लिङ्गो गाड्ने चलन प्राचीन कालदेखि रही आएको छ । आज बिहान चिरोत्थान गरिएसँगै फागु पर्व सुरु भएको मानिन्छ । फाल्गुन शुक्ल पूर्णिमाका दिन फागु पूर्णिमा पर्व मनाइन्छ ।
