English

साहित्यकार ध्रुव सापकोटा ‘जगदीश घिमिरे स्मृति पुरस्कार २०७८’ बाट सम्मानित



साहित्यकार ध्रुव सापकोटालाई ‘जगदीश घिमिरे स्मृति पुरस्कार(२०७८’ बाट सम्मान गरिएको छ । साहित्यकार घिमिरको आठौं स्मृति दिवसको अवसरमा रामेछापको मन्थलीमा आज शनिबार आयोजित स्मृतिसभामा सो सम्मान दिइएको हो। पुरस्कारको राशि ५१ हजार रुपैयाँ रहेको छ‌। ५० वर्षदेखि साहित्यिक क्षेत्रमा क्रियाशील काभ्रेपलाञ्चोक निवासी सापकोटाका एक दर्जन बढी साहित्यिक कृति प्रकाशित छन्। जगदीश घिमिरे प्रतिष्ठानका सल्लाहकार नगेन्द्रराज शर्माका अनुसार २०७४ सालदेखि प्रदान गरिएको सो पुरस्कारबाट यसअघि मनु ब्राजाकी, डा.सन्दुक रुइत र रोचक घिमिरे सम्मानित भएका थिए ।

‘रामेछापको विकासमा साहित्यकार जगदीश घिमिरेको योगदान’ शीर्षकमा भएको निबन्ध प्रतियोगितामा पुरस्कृत विद्यार्थीहरुलाई पनि आजै पुरस्कार प्रदान गरिएको छ । रामेछापका विभिन्न विद्यालयहरुबाट छनोट भएका विद्यार्थीले मन्थलीमा निबन्ध वाचन गरेका थिए । जगदीश घिमिरेका छोरा हिमाल घिमिरेका अनुसार प्रतियोगितामा १० छात्रा र ५ छात्र गरी १५ विद्यार्थीको सहभागिता रहेको थियो।

जगदीश घिमिरे प्रतिष्ठानका सल्लाहकार नगेन्द्रराज शर्माका अनुसार २०७४ सालदेखि प्रदान गरिएको सो पुरस्कारबाट यसअघि मनु ब्राजाकी, डा.सन्दुक रुइत र रोचक घिमिरे सम्मानित भएका थिए ।

निबन्ध प्रतियोगितामा तामाकोशी इङ्लिस बोर्डिङ स्कूलका प्रथामा श्रेष्ठ प्रथम, सतिदेवी माविका प्रतिक्षा घिमिरे दोस्रो र दिपीका ढुंगेल तृतीय भएका थिए। उनीहरुलाई क्रमशः १० हजार, ८ हजार र ६ हजार नगद र प्रमाणपत्र प्रदान गरिएको थियो।

यसैगरी सान्तोना पुरस्कार पाउने लिटिल स्टार बोर्डिङ स्कूलका जयन्ती मानन्धर र मन्थली माविका सेविका घिमिरेलाई जनही १५ सय नगद र प्रमाणपत्र प्रदान गरिएको थियो। पुरस्कृतहरुलाई जगदीश घिमिरे प्रतिष्ठानका अध्यक्ष दुर्गा घिमिरे, प्रतिष्ठानका सल्लाहकार एवं साहित्यकार नगेन्द्र शर्मा तथा पुरस्कृत व्यक्तित्व ध्रुव सापकोटाले पुरस्कार प्रदान गरेका थिए ।

क्यान्सरले सिकिस्त भएर मृत्युशैयाबाट लेखेको आत्मवृतान्त ‘अन्तर्मनको यात्रा’बाट ख्याति कमाएका जगदीश घिमिरेका आधा दर्जन बढी कृति सार्वजनिक छन् । घिमिरे लामो समयदेखि सामाजिक कार्यमा संलग्न थिए । रामेछाप, मन्थलीका जगदीशको राष्ट्रिय तथा अन्तराष्ट्रिय गैरसरकारी संस्थाहरूमा लामो संलग्नता रहेको थियो । उनले रामेछाप जिल्लाको सामुदायिक विकासमा ठूलो सहयोग पुर्याएका छन् ।

क्यान्सरले सिकिस्त भएर मृत्युशैयाबाट लेखेको आत्मवृतान्त ‘अन्तर्मनको यात्रा’बाट ख्याति कमाएका जगदीश घिमिरेका आधा दर्जन बढी कृति सार्वजनिक छन् । घिमिरे लामो समयदेखि सामाजिक कार्यमा संलग्न थिए ।

पुरस्कार वितरण कार्यक्रममा जगदीश घिमिरे प्रतिष्ठानका अध्यक्ष एवं सामाजिक अभियन्ता घिमिरेले पिउने पानी र औषधिको अभाव तथा सडक सन्जाल समेत नभएको रामेछापको विकासमा जगदीश घिमिरेको ठूलो योगदान रहेको जानकारी दिए। दुर्गा जगदीशका धर्मपत्नी हुन्। घिमिरे दम्पत्तीले तामाकोशी सेवा समिति स्थापना गरेर रामेछाप जिल्लाका गरीब जनताको आर्थिक जीवनस्तर सुधार्न सक्रिय भए । तामाकोशी सेवा समिति अन्तर्गत तामाकोशी सहकारी र तामाकोशी अस्पताल संचालनमा रहेका छन्।

कार्यक्रममा तामाकोशी सहकारीका अध्यक्ष एवं मन्थली क्याम्पसका पूर्व प्रमुख गुन्जबहादुर श्रेष्ठले जगदीशको प्रेरणाले संचालित यो सहकारीले रामेछापका लाखौ जनता लाभान्वित रहेको जानकारी दिए ।

पछि जगदीशको माइलोमा भन्ने रक्तक्यान्सरबाट मृत्यु भयो । क्यान्सरको उपचारको क्रमका जगदीशले रोगसँग लड्दै जीवनलाई साहित्यिक सिर्जना र सामाजिक विकास अभियानमा नै सक्रिय राखेका थिए ।

यो पनि पढ्नुहोस् ।
ब्लु डायरी – जीवन बुझ्न पढ्नैपर्ने पुस्तक
साहित्यकार अमर न्यौपानेको नजरमा पढ्नै पर्ने ३ पुस्तक
गौरी मल्लको नजरमा पढ्नै पर्ने ३ पुस्तक
सुबिन भट्टराईको नजरमा पढ्नै पर्ने ३ पुस्तक



सम्बन्धित खबरहरु

‘द स्कुल वाल’ ले ‘छैटौं नेपाल कल्चरल इन्टरनेशनल फिल्म फेस्टिभलमा उत्कृष्ट राष्ट्रिय बाल चलचित्र पुरस्कार प्राप्त गरेको छ । ऐना

हङकङमा तमु व्याडमिन्टन च्याम्पिएनसिप हुने भएको छ । २३ फेब्रवरीका दिन हुने उक्त प्रतियोगितमा तमु व्याडमिन्टन संघले आयोजना गर्न लागेको

एपी शर्माको संगीत र शब्दमा आधारित तथा कैसिलोको स्वर र प्रस्तुति रहेको नयाँ म्युजिक भिडियो “भ्यालेन्टाइन” सार्वजनिक भएको छ।मिस्टर जेसीडीको निर्देशनमा तयार यो म्युजिक भिडियोले प्रेमका भावनालाई आधुनिक शैलीमा प्रस्तुत गरेको छ।   गीतको बोल “भ्यालेन्टाइन” प्रेम, रोमान्स र गहिरो भावनाको समायोजन हो ।   यसले भ्यालेन्टाइन डेको पर्खाइ मात्र नभई, प्रेमलाई दिन विशेष बनाउनेहरेक दिनको महत्त्वलाई व्यक्त गर्दछ। “फेब्रुअरीको पर्खाइ गर्न सक्दिन, मलाई माया गरिदेऊ” भन्ने गीतका शब्दहरूले प्रेमीहरूलाई आफ्नो भावनाहरूखुलस्त रूपमा व्यक्त गर्न प्रेरित गर्ने सन्देश दिन्छ।   गीतमा प्रेम, वफादारी, र रोमान्सको भावना झल्किएको छ नाइजेरियामा छायांकन गरिएको भिडियोको भिजुअल प्रस्तुति गीतकै भावना अनुसारजीवन्त र कलात्मक छ। मुख्य भागहरूमा प्रेममा परेका मानिसहरूको भावनालाई प्रतीकात्मक रूपमा प्रस्तुत गरिएको छ।   म्युजिक भिडियोले उत्कृष्ट छायांकन र निर्देशनमार्फत प्रेम र रोमान्सलाई अझ रोचक बनाएको छ। भिडियोमा आधुनिक शैलीका शब्द र धुनलेयुवाहरूको मन जित्ने प्रयास गरिएको छ।   गीत “एपी म्युजिक” युट्युब च्यानलमा उपलब्ध छ, जसले छोटो समयमा नै दर्शकहरूको मन जित्ने सम्भावना राख्दछ। “भ्यालेन्टाइन” गीतले प्रेमदिवसलाई अझ विशेष बनाउन प्रेरणा दिने अपेक्षा गरिएको छ।   नेपाली डायस्पोराले अंग्रेजी गीत-संगीतमा पनि विश्वब्यापी प्रतिस्पर्धा गर्न सुरु गरेको यो एउटा सकारात्मक संकेत हो, जसले नेपाली कलाकारितालाईअन्तर्राष्ट्रिय स्तरमा थप पहिचान दिलाउन मद्दत पुर्याउनेछ।

गुरुङ समुदायको परम्परागत धार्मिक बाजा ढ्याङग्रोमा आधारित रही निर्माण गरिएको चलचित्र ढ्याङग्रो हङकङ र नेपालमा प्रर्दशन हुने भएको छ ।