स्वप्न सुमनका फ्यान: स्कुटरमा गिफ्ट छोड्नेदेखि स्टेजमा गुलाफ फ्याँक्नेसम्म

युवा पुस्तामाझ निकै लोकप्रिय गायक हुन्– स्वप्न सुमन । कभर गीत गाएरै चर्चामा आएका सुमन यतिबेला सांगीतिक कार्यक्रममा व्यस्त छन् । ‘उकाली चढौँला ओराली झरौँला, ‘सुन भन न’ र ‘मोहनीलाग्ला है’ जस्ता पुराना गीतलाई कभर गीतको रुपमा गाएर जीवन्त पारिदिए । उस्तै मीठो स्वर र सुन्दरताका कारण युवा पुस्ताले रुचाएका सुमनको फ्यान फलोइङ असाध्यै राम्रो छ । फेसबुक पेजमा उनलाई दुई लाख बढीले फलो गरेका छन् । धेरै फ्यान मध्ये केही अनौठा फ्यानलाई उनी यसरी सम्झन्छन् :

स्कुटरमा गिफ्ट छोडेर जाने फ्यान

लगभग ३/४ वर्ष अघि सानो कामका लागि म बाहिर निस्किएको थिएँ । मेरो स्कुटरलाई पार्किङ एरियामा छोडेर म कामको लागि निस्कीएँ । १५ मिनेटपछि काम सिध्याएर फर्कँदा स्कुटरमा गिफ्टको बट्टा, फुल र चक्लेट राखिएको थियो । त्यहाँ वरपर हेरे कोही पनि थिएन । कसले गिफ्ट छोडेर गयो होला भनेर म अचम्ममा परेको थिए । बट्टाको साइडमा म तपाईको ठुलो फ्यान हुँ भनेर मात्र लेखिएको थियो ।

स्टेजमा गुलाफको फूल फ्याक्ने फ्यान

काठमाडौंकै एउटा कार्यक्रममा सहभागी भएको थिएँ । कार्यक्रममा धेरै दर्शक स्रोताहरुको उपस्थिति थियो । म स्टेज पुग्दा धेरैजनाले हुटिङ गर्दै हुनुहुन्थ्यो । त्यहिक्रममा स्टेजमा केही कुरा उडेर आयो । सुरुमा त कसले बोतल फ्याँक्यो भनेर आत्तिएँ । एकजना महिला फ्यानको गुलाफको फूल पो फ्याँक्नु भएको रहेछ । त्यसपछि धेरै फ्यानले स्टेजमा फूल फ्याँक्नुभयो ।

मेरो नामको ट्याटु बनाउने फ्यान

एकजना महिला फ्यान हुनुहुन्छ । उहाँ पनि मलाई अनौठो लाग्छ । उहाँले मेरो नामको ट्याटु आफ्नो हातमा बनाउनु भएको छ रे । जुन कुरा मेरो साथीले भनेको हो । तर, मैले उहाँसँग प्रत्यक्ष भेटघाट गर्न पाएको त छैन । कुनै दिन मौका मिल्यो भने अवस्य भेट्नेछु ।

५ वर्षदेखि हरेकदिन गुड मर्निङ भन्ने फ्यान

एक जना फ्यान पनि अनौठो नै हुनुहुन्छ । लगभग ५ वर्ष भयो सधैँ बिहान गुड मर्निङ भनेर म्यासेज गर्नु हुन्छ । एक दिन पनि उहाँले म्यासेज गर्न छुटाउनु भएको छैन । मलाई नै कहिले कहीँ त म्यासेज पढ्न अल्छि लाग्छ । तर, उहाँलाई अल्छी नलागेको देख्दा अचम्म लाग्छ ।

यो पनि पढ्नुहोस् :
ज्योती भन्छिन्– ‘फ्यानले ओठमा किस गर्दा बान्ता आयो’
सोनिकाका फ्यान– सुनको सिक्री गिफ्ट दिनेदेखि झम्टेर रुनेसम्म
विराट भट्टका फ्यानः मोवाइल फुटाउनेदेखि घरका भित्ताभरि फोटो टाँस्नेसम्म
म्याकुरीका फ्यान : सेल्फी खिच्न ओभरटेक गर्नेदेखि प्रहरी चौकी पुर्याउनेसम्म
मोडल सरोज अधिकारीका फ्यान: ढोकामा कुर्ने देखि, प्रेमप्रस्ताव राख्नेसम्म
दुर्गेश थापाका ५ अनौठा फ्यान