साहित्यकार अमर न्यौपानेको नजरमा पढ्नै पर्ने ३ पुस्तक

नेपालका प्रख्यात सहित्यकार अमर न्यौपानेको पुस्तक सेतो धर्ती नपढ्ने सायद कमै होलान् । उनको लेखनशैली सबै उमेरसमुहलाई मनपर्छ । सेतो धर्तीले वि.सं. २०६८ सालको मदन पुरस्कार प्राप्त गरेपछि उनको चर्चा एकाएक चुलियो । धेरै जनाले उनको पुस्तक पढ्नका लागि सिफारिस गर्ने गर्छन् । तर, उनको सिफरिसको पुस्तक सायद थोरैले मात्र पढेका होलान् । त्यसैले न्यौपानेको सिफारिसमा पढ्नै पर्ने ३ पुस्तक :

सुम्निमा

सुम्निमा विश्वेश्वरप्रसाद कोइरालाद्वारा लिखित उपन्यास हो । यो उपन्यासमा सुम्निमा तथा सोमदत्त दुई बीचको प्रेम प्रसंगको सेरोफेरोमा दुवैको यौन मनोविज्ञान विश्लेषण गरिएको छ । हाम्रो शरीर नाशवान छ । त्यसैले आत्माको पछि लाग्नु हुँदैन शरीरलाई माया गर्नु पर्छ भन्ने दर्शन यस पुस्तककी पात्र सुम्निमाको छ । भने, शरीर भनेको पाप हो हामी काम वासनामा लाग्नु हुँदैन संसारीकतामा लाग्नु हुँदैन, हामी आत्माको पछि लाग्नु पर्छ । आत्मा सधैँ जिवित रहन्छ भन्ने सोमदत्तको दर्शन छ । प्रेमले मानिसलाई शारीरिक रूपले टाढा भए तापनि मानसिक रूपले नजिक अनुभूत गराउँछ भन्ने यो उपन्यासको सार हो ।

दर्शन दिग्दर्शन

राहुल सांकृत्यानको दर्शन दिग्दर्शन मैले हिन्दी भाषामा पढेको पुस्तक हो । मैले पढेका पुस्तकहरु मध्ये यो पुस्तक पनि मलाई एकदमै मन पर्छ । यो पुस्तक एकदमै बृहत छ । संसारभरका सम्पूर्ण कुराहरुको व्याख्या यो पुस्तकमा गरिएको छ । यो एउटा दर्शनको किताब हो । त्यसैले यो पुस्तक पनि पढ्नै पर्ने पुस्तक भित्र पर्छ ।

गुरु (द प्रोफिट)

खलिल जिब्रानकोद्वारा लिखित पुस्तक ‘गुरु’ द प्रोफिटको नेपाली अनुबाद हो । यो पुस्तक अन्य पनि धेरै भाषामा अनुबाद भएका छन् । यो पुस्तकमा मानिसको सम्पूर्ण जीवनको बारेमा व्याख्या गरिएको छ । सन्तान भनेको के हो ? कानून भनेको के हो ? वस्त्र भनेको के हो ? लगायतका सबै कुराहरू यस पुस्तकमा समेटिएको छ । यो पुस्तकको मलाई एकदमै मन परेको एउटा लाईन छ वस्त्रको बारेमा ‘वस्त्रले तिम्रो सौन्दर्य छोप्छ तर असौन्दर्य छोप्न सक्दैन’ । मलाई यो पुस्तकको हरेक लाइनहरु एकदमै मन पर्छ र सबैलाई यो पुस्तक पढ्न सिफारिस गर्छु ।

यो पनि पढ्नुहोस् ।
गौरी मल्लको नजरमा पढ्नै पर्ने ३ पुस्तक
सुबिन भट्टराईको नजरमा पढ्नै पर्ने ३ पुस्तक
गायिका इन्दिरा जोशीको नजरमा पढ्नै पर्ने ३ पुस्तक
अभिनेत्री सरिता लामिछानेको नजरमा पढ्नै पर्ने ३ पुस्तक
अभिनेत्री केकी अधिकारीको नजरमा पढ्नै पर्ने ३ पुस्तक
अभिनेत्री वर्षा शिवाकोटीको नजरमा बढ्नै पढ्ने ३ पुस्तक
अभिनेत्री कृति भट्टराईको नजरमा पढ्नै पर्ने ३ पुस्तक