दसैंका लागि स्वस्थ्य खसी बोका कसरी चिन्ने ?
हिन्दू धर्मावलम्बीहरुको महान पर्व दसैंले छपक्कै छोपिसक्यो । सहर बजारमा किनमेल गर्नेहरुको भिडभाड छ । दसैं रमाइलो बनाउने थुप्रै कुराहरु छन् । त्यसैमध्ये एक हो– खसी बोका । यो बेला मासुका लागि खसी बोकाको कारोबार राम्रो हुन्छ । तर, खसी बोका किन्ने बेला थोरै ध्यान नदिँदा पछुताउनु पर्ने हुन्छ । त्यसैले यहाँ खसी बोका किन्दा ध्यान दिनुपर्ने बारे पशुरोग विशेषज्ञ डा. शरदसिंह यादवको सुझाव यस्तो छ :
– खसीबोका बेच्ने स्थान जस्तै–खाद्य संस्थानबाट खरिद गर्ने ।
– खसी देख्ने बित्तिकै केही कुरामा शंका लागेमा नकिन्ने ।
– जिउँदो खसी, बोका, च्यांग्रा खरिद गर्दा सरकारले भेटेरिनरी जाँच पास गरेको ठाउँबाट किन्नुपर्छ ।
– त्यो सम्भव नभए खसी, बोका कत्तिको फुर्तिलो छ, छैन हेर्नुपर्छ ।
– आँखा तेजिलो भए–नभएको हेर्नुका साथै आँखाबाट कचेरा आएको खसी बोका किन्नु हुँदैन ।
– नाकबाट सिंगान बगेको खसी पनि किन्नु हुँदैन ।
– कानबाट पिप बगेको छ, छैन हेर्नुपर्छ ।
– खोकी लागे नलागेको हेर्नुपर्छ ।
– खसी र बोकाको मुखमा र्यापल र अति सुख्खा लक्षण देखिएमा नकिनेकै राम्रो हुन्छ ।
– पातलो दिसा गरेको छ कि छैन हेर्ने ।
– शरीरमा किर्ना, उपियाँ भए नभएको हेर्नुपर्छ ।
– दाना, घाँस पानी खान्छ कि खाँदैन विचार गर्नुपर्छ ।
– शरीरमा चोटपटक लागेको हुनु हुँदैन ।
– शरीरमा छाम्दा मासु पलाएको तथा रगत बगेको छ–छैन, हेर्नुपर्छ ।
– रौं ठाडो हुनु हुँदैन, चम्किलो हुनुपर्छ ।
– यसैगरी दसैंमा कुखुरा–हाँस आदि पनि खाने चलन छ ।
– झोक्राएको कुखुरा तथा हाँस खरिद गर्नु हुँदैन ।
– घ्यार–घ्यार गर्ने तथा रौं फुस्रो हुनु हुँदैन ।
यो पनि पढ्नुहोस् :
दसैंमा घुम्न कहाँ जाने ? यी हुन् १० गन्तव्य
दशैंलाई नयाँ नोट असोज ४ देखि, एकजनाले कतिसम्म साट्न पाइन्छ ?
आज घटस्थापना– यसरी राख्नुहोस् जमरा, यस्तो छ जमराको महत्व ?
चन्द्रागिरि केबुलकार दशैं, तिहारमा पनि खुल्ने
दसैँका साइत सार्वजनिक, टिकाको शुभ साइत १०ः०२ बजे
दसैंमा दुई पाङ्ग्रे किन्ने कि चार ? सुनको एक्कादेखि गाडीसम्म उपहारमै
