प्रवासको वेदनामा आधारित ‘मुटुको टुक्रा’ सार्वजनिक
गायिका देवी घर्ती मगरको स्वर रहेको गीत मुटुको टुक्राको भिडियो सार्वजनिक भएको छ। ज्योति गुरुङले शब्द सिर्जना गरेको गीतमा सुरज लामिछानेको सङ्गीत र एरेन्ज गरेका छन्।
गीतमा एक प्रवासी आमाले स्वदेशमा भएका आफ्नै दुई सन्तानको सम्झनामा उपहार स्वरूप म्युजिक भिडियो प्रस्तुत गरेकी हुन् । भिडियोमा ज्योति स्वयमले नै अभिनय गरेकी छिन् । गीतमा बाध्यात्मक परिस्थितिले बिदेसिनुको पीडा र भोगाइलाई प्रस्तुत गरिएको छ ।
गीतको म्युजिक भिडियोमा बाल कलाकार काव्या श्रेष्ठका साथमा अनिष्का थापा, शंकर पाण्डे, सलोनी रन्जितकार र इभा सिंह ठकुरीको अभिनय रहेको छ ।
बेलायत बसेर भिडियो निर्माणमा सक्रिय कुशल श्रेष्ठको निर्देशनमा यो म्युजिक भिडियो निर्माण गरिएको हो । उक्त म्युजिक भिडियोको छायाङ्कन, सम्पादन, परिकल्पना र निर्देशक श्रेष्ठ स्वयंले नै गरेका छन् । भिडियोलाई नवीन निरौलाले कलरिङ र दीपिका श्रेष्ठले मेकअप गरेकी छिन् ।
म्युजिक भिडियो हेर्नुहोला
