बिहान उठ्ने बित्तिकै भुलेर पनि नखानुस् यस्ता खानेकुरा
स्वस्थ रहन हामीले धेरै प्रयत्न गरिरहेका हुन्छौँ । जसका लागि व्यायाम गर्छौं, सन्तुलित भोजन खाने कोशिस गर्छौं । तर, कुन खानेकुरा कतिबेला खाने भन्ने जानकारी नहुँदा यसले शरीरमा प्रतिकुल असर गरिरहेको हुन्छ । अझै, खाली पेटमा सुरुमा के खाने भन्ने कुराको जानकारी नहुँदा धेरै मानिसको स्वास्थ्य अवस्था बिग्रन्छ । त्यसैले यहाँ खाली पेटमा खान नहुने खानेकुराका बारेमा चर्चा गरिएको छ :
मसालेदार चिल्लो पिरो भोजन
जतिसुकै भोक लागोस् तर, खाली पेटमा चिल्लो पिरो र मसालेदार खाना खानु हुँदैन । यसमा हुने प्राकृतिक अम्लले पेटको पाचन क्षमता बिगार्छ । यसले पेट दुख्ने समस्या बढाउँछ ।
लेमन सोडा
लेमन सोडा भन्दा राम्रो सफ्ट पेय पदार्थ अरु छैन । यसमा चिनी पनि राख्नुपर्दैन । सोडा, पानी, कागती र बरफलाई मिलाएर एक रिफ्रेशिंग पेय पदार्थ बन्दछ । यसमा पोटासियम र इलेक्ट्रोलाइट पनि मिलेको हुन्छ । तर, यसमा उच्च मात्रामा कार्बोनेट एसिड पनि हुन्छ भन्ने कुरा बिर्सनु हुँदैन । यसलाई खाली पेटमा पिउँदा भने यसले स्वास्थ्यमा समस्या निम्त्याउँछ ।
केरा
खाली पेटमा केरा खाँदा शरीरमा म्याग्नेसियमको मात्रा अत्यधिक बढ्दछ । यसले शरीरमा क्याल्सियम र म्याग्नेसियमको मात्रा असन्तुलित बनाउँछ । यसर्थ, खाली पेटमा केरा खाँदा ग्यास्ट्रिक एसिडको समस्या बढ्दछ र यसबाट पेटमा गहिरो दुःखाई हुनसक्छ ।
गोलभेँडा
गोलभेँडामा अत्यधिक मात्रामा एसिड हुन्छ । यदि यसलाई खाली पेटमा खायो भने यसले प्रतिक्रिया गर्दछ र पेटमा अघुलनशील जेलको निर्माण हुन्छ, जसले गर्दा पेटमा पत्थर बन्दछ किनकी गोलभेँडा भिटामीन ए, सी, के, फोलेट र पोटासियमको राम्रो स्रोत हो ।
कफी र चिया
खाली पेटमा कफीको सेवन बिष पिएजस्तो हुनसक्छ । किनकी यसमा कैफिन हुन्छ, जसले खाली पेटमा पर्दा ठूलै समस्या निम्त्याउन सक्छ । जसरी कफी पिउनु राम्रो हुँदैन, त्यसरी नै खाली पेटमा चिया पनि नपिउनुहोस् । किनकी चियामा उच्च मात्रामा एसिड हुन्छ । जसले पेटमा पीडा हुनसक्छ ।
