के हो फिस्टुला ? कसरी बच्ने ?
नशाहरुको बीच हुने एक असमान्य जोड नै फिस्टुला हो । चिकित्सकहरुका अनुसार आन्द्रा अथवा छालाको बीचमा, मलाशयको बीचमा फिस्टुला हुने सम्भावना हुन्छ । फिस्टुला विभिन्न प्रकारका हुन्छन् । तीमध्ये सबैभन्दा धेरै मात्रामा देखिने मलद्वारको फिस्टुला हो । यसले धेरैलाई दुःख दिएको पाइन्छ । त्यसैले फिस्टुलाका लक्षण के–के हुन् ? र, यसबाट कसरी बच्ने ? भन्ने विषयमा आयुर्वेदिक चिकित्सक डा. अमृत भण्डारीको सुझाव यस्तो छ :
लक्षण
– दिसा गर्ने ठाउँको वरपर वा नजिकमा खटिरा आएर अत्यन्त दुखाई हुनु
– मलद्वारमा पटक–पटक फोका आउनु
– मलद्वारको वरपर दुख्नु अथवा सुन्निनु
– दिशा गर्दा दुख्नु
– गुद्वारको छेउबाट रगत मिसिएको पीप आउनु
– गुद्वारको वरपरको छालामा जलन हुनु
– कब्जियत हुनु
कारण
– गुद्वारमा विगतमै चोट लाग्नु
– एउटा लामो समयदेखि चलिरहेको एउटा त्यस्तो रोग, जसमा पाचनतन्त्र सुन्निएको हुन्छ
– गुद्वारको छेउछाउको छालामा फोका आउनु
– क्षयरोग अथवा एचआईभी संक्रमित हुनु
– गुद्वारको नजिक गरिएको कुनै शल्यक्रियाको जटिलता
बच्ने उपाय
– दिसा धेरै कब्जियत हुन नदिने
– बल गरेर दिसा नगर्ने तथा लामो समयसम्म दिसा नबस्ने
– मसलेदार तथा खुर्सानी, अदुवा, गरम मसला, दुध चिया र कफि कम सेवन गर्ने
– हरियो सागपात तथा फलफूल आवश्यक मात्रामा खाने
– शरीरलाई चाहिने आवश्यक मात्रामा पानी पिउने
– दैनिक रुपमा व्यायाम गर्ने
– फिस्टुलाको लक्षणहरु देखिएपछि हेलचेक्राईँ गरेर नबस्ने अस्पताल गएर चिकित्सकको सल्लाह लिने
