फोक्सोलाई स्वस्थ राख्न के–के कुरामा ध्यान दिने ?
डा. नविनकुमार मिश्र, छाती रोग विशेषज्ञ
फोक्सोमा लाग्ने रोग र यसबाट कसरी जोगिन सकिन्छ भन्ने थाहा पाउन जरुरी हुन्छ । थोरै सावधानी अपनायौँ भने हामी फोक्सो सम्बन्धि रोगबाट बच्न सक्छौँ । फोक्सो खराब हुनुको अनेक कारण छन् । खासगरी वायु प्रदूषण र धुम्रपान फोक्सो खराब गर्ने मूल कारण हुन् ।
हाम्रो शरीरमा भएको प्रतिरक्षा प्रणालीले फोक्सो बचाउने काम गर्छ । अधिकांश समय यसले बाह्य फोहोरलाई फिल्टर गरी किटाणुहरु विरुद्ध लड्ने काम गर्दछ । त्यस्ता किटाणु तथा हानिकारक पदार्थले व्यक्तिको श्वासनलीमा क्षति पु¥याएमा प्रतिफल स्वरुप यसले फोक्सोको नियमित कार्यप्रणाली र क्षमतामा समेत हानी पु¥याउँछ । जसले कालान्तारमा फोक्सोको रोगसमेत निम्त्याउने सम्भावना उच्च रहन्छ । त्यसकारण हामीले फोक्सोको स्वास्थ्यमा उचित ध्यान दिनुपर्दछ ।
वर्तमान समयमा कोरोना संक्रमणको पनि जोखिम भएकोले यसबाट टाढा रहन शरीरलाई स्वस्थ राख्नु पर्छ । जसका लागि हाम्रो फोक्सोले राम्रोसँग काम गर्नु जरुरी छ । कोरोनाले हाम्रो फोक्सोमा आक्रमण गर्दछ, त्यसैले हामीले फोक्सोको विशेष ध्यान दिनुपर्छ । यसका लागि के–के कुरामा ध्यान दिने भन्ने विषयमा छाती रोग विशेषज्ञ डा. नविन कुमार मिश्रको सुझाव यस्तो छ :
ध्यान दिनुपर्ने कुराहरु
– धुम्रपान गर्ने व्यक्तिबाट समेत टाढा रहने
– धुलो–धुवाँजन्य वातावरणमा सकेसम्म नजाने वा जानैपर्ने अवस्था आए अनिवार्य मास्कको प्रयोग गर्ने
– शारीरिक रुपमा सक्रिय रहने र नियमित व्यायाम गर्ने
– पौष्टिक आहारको सेवन गर्ने
– बाहिर निस्कँदा धेरै हुलमुल हुने समयमा ननिस्किने
– कोरोना संक्रमणको कारणले पनि फोक्सोमा समस्या हुने भएकोले स्वास्थ्य मापदण्डलाई उचित रुपमा अनुशरण गर्ने
– नियमित स्वास्थ्य जाँच गराउने
