ज्योती भन्छिन्– ‘फ्यानले ओठमा किस गर्दा बान्ता आयो’
लोकदोहोरी गायिका ज्योती मगरलाई नचिन्ने सायद कमै होलान् । उनी बेला–बेलामा विभिन्न कारणले चर्चामा आइरहन्छिन् । ‘उही मूलाको सिन्की’ , ‘जिम्मल बाउकी छोरी’, ‘पिरतीमा दम छ’ लगायतका गीत हिट छन् । त्यसो त उनको फ्यान फलोइङ पनि एकदमै धेरै छ । तिनै फ्यान मध्ये ४ अनौठा फ्यानलाई उनी यसरी सम्झिन्छिन् :
किस गर्ने फ्यान
एउटा कार्यक्रमको शिलशिलामा भैरहवा गएको थिएँ । कार्यक्रम सकाएर स्टेजबाट तल झर्दा धेरै जना फोटो खिच्ने लाइनमा हुनुहुन्थ्यो । भिडभाडमा म फोटो खिच्नमा व्यस्त थिए । त्यसै क्रममा एक जना महिला मेरो नजिक आउनु भयो र मलाई ओठमा किस गर्नु भयो । स्टेजबाट भर्खर उत्रेको थिएँ उहाँले एक्कासी आएर किस गर्दा म त छाँगाबाट खसे जस्तो भएँ । त्यसपछि मलाई बान्ता नै भएको थियो ।
घरिघरि फोन गर्ने सिन्धुलीका ती फ्यान
सिन्धुली तिरको एकजना फ्यान हुनुहुन्छ । उहाँले नम्बर परिवर्तन गरि गरी फोन गर्नुहुन्छ । उहाँको नम्बर चिनेर उठाएन भने पनि अर्को नयाँ नम्बरबाट फोन गर्नुहुन्छ । म चाहिँ उहाँलाई चिन्दिन । तर, फोन गरेर हैरान पार्नु हुन्छ । म तपाईलाई सिन्धुलीबाट के कोशेली ल्याइदिउँ भनेर पनि सोध्नु हुन्छ । उहाँ मलाई अलि अनौठो लाग्छ ।
भिडियो कल गर्ने फुच्चे भाई
एकजना भाई हुनुहुन्छ दिदि म तपाईको ठुलो फ्यान हुँ भन्नुहुन्छ । ती भाई मेरो मात्र होइन प्राय सबै कलाकारको फ्यान होला । कलाकारहरु भने पछि उसलाई असाध्यै मन पर्ने । कलाकारहरुको नजिक हुन उनीहरुसँग फोटो खिच्न पनि एकदमै रुचाउने । जति बेला पनि भिडियो कल गरिरहेको हुन्छ । व्यस्त भएर फोन उठाइन वा रिप्लाई गरिन दिदी एकपटक मात्र भएपनि फोन उठाइदिनु न बोल्दिनुस् न भन्नु हुन्छ । प्रत्येक फोटोमा कमेन्ट गर्ने ती भाई पनि अनौठै छन् ।
दैनिक रुपमा म्यासेज गर्ने फ्यान
त्यस्तै धनगढीको एक जना फ्यान पनि अनौठै लाग्छ मलाई । दैनिक म्यासेज गरिरहनु हुन्छ । मैले म्यासेजको रिप्लाई दिए पनि नदिए पनि उहाँले म्यासेज गर्न भने छुटाउनु हुन्न । नराम्रो म्यासेज गर्नुहुन्न । मेरो कुनै नयाँ गीतहरु बजारमा आयो भने प्रतिक्रिया दिनुहुन्छ । शुभकामना दिनुहुन्छ र मेरो हरेक फोटोमा कमेन्ट पनि गर्नु हुन्छ ।
यो पनि पढ्नुहोस् :
सोनिकाका फ्यान– सुनको सिक्री गिफ्ट दिनेदेखि झम्टेर रुनेसम्म
विराट भट्टका फ्यानः मोवाइल फुटाउनेदेखि घरका भित्ताभरि फोटो टाँस्नेसम्म
म्याकुरीका फ्यान : सेल्फी खिच्न ओभरटेक गर्नेदेखि प्रहरी चौकी पुर्याउनेसम्म
मोडल सरोज अधिकारीका फ्यान: ढोकामा कुर्ने देखि, प्रेमप्रस्ताव राख्नेसम्म
दुर्गेश थापाका ५ अनौठा फ्यान
खुइलीका फ्यान– बुहारी बनाउनेदेखि कोठा भाडा तिरिदिन्छु भन्नेसम्म
आश्माका फ्यान : प्रेमप्रस्ताव राख्नेदेखि आश्मा चाहियो भन्दै रुनेसम्म
अभिनेता विपिन कार्कीका ४ अनौठा फ्यान
