गुड नाइट : बेलुका खाना खाँदिन, ड्रिंक्स गर्ने बानी छैन
अञ्जली अधिकारी पछिल्लो समयकी चर्चित मोडल हुन् । उनले अभिनय गरेको ‘बनकी चरी’, ‘बोल माया,’ ‘गलबन्दी’ लगायतका थुप्रै गीत हिटको सुचीमा छन् । पाँच सयभन्दा बढी म्युजिक भिडियोमा अभिनय गरिसकेकी अधिकारीसँग मेरोलाइफस्टाइलले गरेको गुड नाइट वार्ता यस्तो छ :
बेलुकाको खाना कति बजे खानुहुन्छ ?
प्राय साँझको खान खाँदिन । खानै पर्यो भने एकदम कम खान्छु ।
के खानुहुन्छ त ?
फलफूल खान्छु ।
कति बजे सुत्नुहुन्छ ?
सुत्ने समय फिक्स नै हुँदैन । सुट भएन भने १० देखि ११ बजे भित्र सुतिसक्छु ।
बेडमा जानुअघि के गर्नुहुन्छ ?
दुई तीन ग्लास तातो पानी खान्छु । बाथरुम गएर फ्रेस हुन्छु । फोन चार्जमा राखेर बिहान सुटमा जाने ड्रेस तयार गर्छु ।
सिरानी कता पार्नुहुन्छ ?
सिरानी पूर्वतिर पार्नु भन्छन्, पूर्व नै छ ।
के लगाएर सुत्नुहुन्छ ?
नाइटी लगाउँछु ।
बेलुका ड्रिंक्स नि गर्नुहुन्छ कि ?
ड्रिंक्स गर्ने बानी छैन । तातो पानी खाएर सुत्छु ।
सुत्नु अघि नियमित गर्ने काम के हो ?
समान्यतः मोबाइल नै चलाउँछु ।
मोबाइलमा के चलाउनु हुन्छ ?
आफ्नो नयाँ–नयाँ रिलिज भएका गीत हेर्छु र सेयर गर्छु । न्युजहरु फलो गर्छु । त्यति कुराहरू चेक गरेपछि फोन जार्चमा राखेर सुत्छु ।
सपना देख्नु हुन्छ कि हुन्न ?
सुतेपछि सपना त देखिन्छ तर कहिले याद हुन्छ, कहिले हुँदैन ।
निन्द्रा लागेन भने के गर्नुहुन्छ ?
थकाई लागेको हुन्छ, निन्द्रा नलाग्ने कुरै भएन । तर, कहिलेकाँही चिन्ता भएर निन्द्रा लागेन भने गीत सुन्छु । पुस्तक पढ्छु अनि निदाउँछु ।
