English

खुइलीका फ्यान– बुहारी बनाउनेदेखि कोठा भाडा तिरिदिन्छु भन्नेसम्म



हास्यकलाकार नविना सिलवाल आम दर्शकहरुमाझ ‘खुइली’ नामले परिचित छिन् । उनको अभिनयलाई मन पराउने थुप्रै दर्शक छन् । हास्य टेलिश्रृङ्खला ‘गोलमाल’ मा पवन खतिवडा ‘म्याकुरी’ को प्रेमीकाको भूमिका खेलेर खुइली दर्शकसामु चिनिएकी हुन् । सामाजिक सञ्जाल उनी सक्रिय छिन् । उनका अनेकथरी फ्यानहरु छन् । बिर्सनै नसक्ने आफ्ना पाँच फ्यानलाई उनले यसरी सम्झिइन् ः

‘बुहारी बनाउँछु’ भन्ने फ्यान

हाम्रो सिरियल सुटिङ्गकै समुहमा एक जना अंकल हुनुहुन्छ । मलाई साह्रै माया गर्नुहुन्थ्यो । उहाँले नयाँ घर बनाउनु भयो । नयाँ घरमा सर्नका लागि पूजा लगाउनु भएको थियो । त्यो पूजामा मलाई पनि लिएर जानु भयो । घरभित्र पस्ने बेलामा ‘ल अब यो घरमा लक्ष्मी पाइला प¥यो’ भन्नु भयो । के भनेको होला भनेर म अलमल्लमा परें । भित्र लगेर छोरासँग परिचय गराएर ‘ल तिमीलाई बुहारी बनाउने हो’ भन्नु भयो । घरका अन्य सदस्यहरू पनि मेरो स्वागतको लागि तयारी भएर बस्नु भएको रहेछ । त्यो देखेर मलाई लाज लाग्यो ।

मलाई नचिन्ने तर, खुइलीको फ्यान

एक वर्षअघि गोलमालकै सुटिङ्गको क्रममा मेकअप गर्ने दाईलाई मोबाइल समात्न लगाएर टिकटक बनाउँदै थिएँ । एउटा बाइकमा दुईजना केटाकेटी कतै गइरहेका थिए । केटीले केटालाई बाइक रोक्न लगाइन् । केटालाई मतिर संकेत गर्दै भनिन् ‘हेर त खुइलीको जस्तै अनुहार भएको केटी, उस्तै लुगा लगाएर, खुइलीको जस्तै कपाल बनाएर टिकटक बनाउँदै छ’ भनिन् । त्यो सुनेर मलाई अचम्म लाग्यो खुइलीलाई चिन्ने तर मै खुइली हो भनेर नचिन्ने ।

‘खुइली जस्तै बन्छु’ भन्ने सानी फ्यान

पहिलो लकडाउनको समयमा म दिदिको घर इटहरी गएकी थिएँ । एकजना सानी नानी आफ्नो आमालाई साथमा लिएर मलाई भेट्न आएकी थिइन् । उनी गेटसम्म त आई पुगिन् । तर, भित्र नआएर त्यहीं बसेर रोई रहेकी थिइन् । म नै उनलाई भेट्न गेटसम्म गएँ । ती नानीलाई देखेर म अचम्ममा परें । खुइलीको जस्तै कपाल बाँधेको, पाइन्ट काटेर, खुइलीको जस्तै लुगा र माला लगाएर आएकी थिइन् । उनको आमाले सुनाईन् ‘खुइली जस्तै बन्ने हो म भनेर नयाँ पाइन्टलाई काटेर लगाएर आएकी हो नानीले ।’ उनले खुइलीलाई माया गरेको, मन पराएको देखेर खुसी पनि लाग्यो ।

‘कोठा भाडा तिरिदिन्छु’ भन्ने फ्यान

करिव एक महिना अघिको कुरा हो । म एउटा मात्र कोठामा बस्थें । साँघुरो भएर कोठा सर्न खोजें । कोठा खोज्न म काठमाडौँकै एउटा घरमा पुगेकी थिएँ । त्यहाँ भाडा अलि महङ्गो भएपछि खबर गर्छु भनेर म फर्किएँ । त्यही घरमा कोठामा बस्ने एक जना महिला मेरो पछिपछि आइन् । उनले भनिन्, ‘म तपाईको ठुलो फ्यान हो । त्यै घरमा बस्नुस् न’ भनेर आग्रह गरिन् । मैले ‘भाडा अलि महङ्गो भयो । त्यसैले नबस्ने’ भनें । उनले ‘बस्नुस् न बरु आधा भाडा मै तिरिदिन्छु’ भनिन् । उनको त्यो कुरा सुनेर म अचम्ममा परे । त्यहाँबाट निस्किएँ ।

‘तिमीसँगै बस्छु’ भन्ने फ्यान

एक जना महिला फ्यान मलाई निकै अनौठो लागिन् । म फेसबुक लाइभमा बस्दा उनीसँग पनि कुरा हुन्थ्यो । पछि गएर उनले नियमित म्यासेज गर्न थालिन् । ‘मलाई तपाई एकदमै मनपर्छ । तपाईसँगै बोलिरहन मन लाग्छ । तपाईसँगै बसिरहन मन लाग्छ’ भनेर म्यासेज गर्थिन् । मलाई उनको त्यो हर्कत अलि अनौठो लाग्यो । मैले उनीसँग बोल्नै छोडिदिएँ ।



सम्बन्धित खबरहरु

‘द स्कुल वाल’ ले ‘छैटौं नेपाल कल्चरल इन्टरनेशनल फिल्म फेस्टिभलमा उत्कृष्ट राष्ट्रिय बाल चलचित्र पुरस्कार प्राप्त गरेको छ । ऐना

आज सोनाम ल्होसारयसकारण मनाउन थालियो ल्होसार तामाङ समुदायको सांस्कृतिक पर्व सोनाम ल्होसारका अवसरमा सरकारले आज बिहिबार देशभर सार्वजनिक बिदा दिएको छ।समुदायले

हङकङमा तमु व्याडमिन्टन च्याम्पिएनसिप हुने भएको छ । २३ फेब्रवरीका दिन हुने उक्त प्रतियोगितमा तमु व्याडमिन्टन संघले आयोजना गर्न लागेको

एपी शर्माको संगीत र शब्दमा आधारित तथा कैसिलोको स्वर र प्रस्तुति रहेको नयाँ म्युजिक भिडियो “भ्यालेन्टाइन” सार्वजनिक भएको छ।मिस्टर जेसीडीको निर्देशनमा तयार यो म्युजिक भिडियोले प्रेमका भावनालाई आधुनिक शैलीमा प्रस्तुत गरेको छ।   गीतको बोल “भ्यालेन्टाइन” प्रेम, रोमान्स र गहिरो भावनाको समायोजन हो ।   यसले भ्यालेन्टाइन डेको पर्खाइ मात्र नभई, प्रेमलाई दिन विशेष बनाउनेहरेक दिनको महत्त्वलाई व्यक्त गर्दछ। “फेब्रुअरीको पर्खाइ गर्न सक्दिन, मलाई माया गरिदेऊ” भन्ने गीतका शब्दहरूले प्रेमीहरूलाई आफ्नो भावनाहरूखुलस्त रूपमा व्यक्त गर्न प्रेरित गर्ने सन्देश दिन्छ।   गीतमा प्रेम, वफादारी, र रोमान्सको भावना झल्किएको छ नाइजेरियामा छायांकन गरिएको भिडियोको भिजुअल प्रस्तुति गीतकै भावना अनुसारजीवन्त र कलात्मक छ। मुख्य भागहरूमा प्रेममा परेका मानिसहरूको भावनालाई प्रतीकात्मक रूपमा प्रस्तुत गरिएको छ।   म्युजिक भिडियोले उत्कृष्ट छायांकन र निर्देशनमार्फत प्रेम र रोमान्सलाई अझ रोचक बनाएको छ। भिडियोमा आधुनिक शैलीका शब्द र धुनलेयुवाहरूको मन जित्ने प्रयास गरिएको छ।   गीत “एपी म्युजिक” युट्युब च्यानलमा उपलब्ध छ, जसले छोटो समयमा नै दर्शकहरूको मन जित्ने सम्भावना राख्दछ। “भ्यालेन्टाइन” गीतले प्रेमदिवसलाई अझ विशेष बनाउन प्रेरणा दिने अपेक्षा गरिएको छ।   नेपाली डायस्पोराले अंग्रेजी गीत-संगीतमा पनि विश्वब्यापी प्रतिस्पर्धा गर्न सुरु गरेको यो एउटा सकारात्मक संकेत हो, जसले नेपाली कलाकारितालाईअन्तर्राष्ट्रिय स्तरमा थप पहिचान दिलाउन मद्दत पुर्याउनेछ।