देशको राजधानी त हामी सबैले सुनेकै छौँ । राजधानी भन्ने बित्तिकै सवैलाई एउटा ब्यवस्थित शहर नै कल्पनामा आउँछ । त्यहाँ देश, राज्य, प्रान्त वा प्रदेशको केन्द्रीय सरकार रहेको हुन्छ ।
जहाँ राष्ट्र प्रमुख र अधिकारीहरुले निरन्तर काम गर्छन् । तर, हामीले खोजेको राजधानी भनेको गाँजाको हो ? यो कहाँ होला ? र गाँजाको राजधानी कस्तो होला ? भनेर !
गाँजाको राजधानी भन्ने बित्तिकै यसको उत्पादन, खपत र यसको गुणस्तरीयतालाई पहिलो प्राथमिकतामा राखेर हेरिन्छ । गुणस्तर, प्रभावकारिताका हिसाबले विशेषगरी हिमाली भेगमा उत्पादन हुने गाँजालाई विश्व बजारमा अत्याधिक रुचाइने यसका पारखीहरु बताउँछन् ।
हिमालबाट आउने सिरोटोले हानेको गाँजा पाईने स्थानमा नेपालको नाम प्रमुख स्थानमा आउछ । तर, नेपालमा गाँजा प्रतिबन्धित लागुऔषधको सूचीमा पर्छ । नेपालका ग्रामीण भेग (मकवानपुर, धादिङ, रोल्पा, रुकुम, बाग्लुङ, उदयपुर, मनाङ, मुस्ताङ, डोल्पा)मा उत्पादन भएका गाँजा गुणस्तरियको दृष्टिकोणले अब्बल मानिन्छ । यहाँका गाँजाले लुकिछिपी, गैह्रकानूनी रुपमा विश्व बजारमा राम्रो मूल्यमा बिक्री हुँदै आएकोे पूर्व सचिव भीम उपाध्याय बताउँछन् । त्यसो त नेपाल भूमी नै गाँजाको राजधानी मान्नुपर्नेमा उनको तर्क छ ।
हामी नेपालमा गाँजाको प्रतिबन्ध फुकुवा गर्नुपर्छ भनेर लागिरहेका छौं । किनभने नेपाल गाँजाका लागि विश्वकै उर्वर भूमी हो,’ उनले भने, ‘यहाँको हिमाली भेगमा फल्ने गाँजा विश्व बजारमा प्रति केजी लाखौँ रुपैयाँमा बिक्री हुन्छन् । त्यसैले नेपाललाई गाँजाको राजधानी घोषणा गर्दा कुनै अत्युक्ति नहोला ।
नेपाल एउटा त्यस्तो भूमीको यहाँ गाँजा फलाउनका लागि न गाँजाको बिऊ नै राख्नुपर्छ न त यसलाई रोप्न कष्ट नै गर्नुपर्छ । हिमालदेखि तराईसम्म यत्रतत्र गाँजाका बिरुवाहरु आफैँ उम्रिएका छन् । तिनै गाँजा अहिले विश्व बजारमा चर्चित मानिन्छन् । तर, कानूनले अवैैध भनेकाले यसको खुलेआम प्रयोग र बिक्रि वितरण गर्न भने बन्देज छ । जे होस् यसको उत्पादन र गुणस्तरका हिसाबले विश्वमा गाँजाको राजधानी नेपाल नै हो ।
अहिले पनि नेपालको गाँजाका पारखीहरु थुप्रै भेटिन्छन् । ५० वर्ष अघिदेखि अमेरिका, युरोपबाट नेपाल आउने गरेका हिप्पीहरुले नेपाललाई ‘गाँजा हब’ नै बनाउँदै आएका छन् । त्यसैले पनि नेपाली गाँजाको स्वाद विश्वमै चर्चित रहेको लख काट्न गाह्रो छैन ।
भगवान महादेवलाई सवैभन्दा मनपर्ने स्थानहरुमा नेपालकै धेरै स्थानहरु रहेको छ । अझ शिवरात्रीको अवसरमा भारतबाट आउने साधुसन्तहरुको मूख्य आकर्षण पशुपती क्षेत्र र यहाँको गाँजामै हुने गर्छ । उनीहरुमा धार्मिक आस्था एकातिर भएता पनि शिवरात्रीमा बाबाहरु हुरहुरी नेपाल भित्रिनुको मूख्य क्रेज नेपाली गाँजाको स्वाद भएको जानकारहरु बताउँछन् ।
२०३३ सालमा प्रतिबन्ध गरिएको गाँजाले अहिलेसम्म वैधानिकता पाएको छैन । अन्तराष्ट्रिय दबावकै कारण त्यतिबेला लागुऔषध नियन्त्रण ऐन ल्याएर सरकारले गाँजा प्रतिबन्ध लगाएको थियो । त्यो ऐनमा औषधिको रुपमा पनि प्रयोग गर्न नपाइने भनिएको थियो ।
त्यतिबेला नेपालमा गाँजालाई प्रतिबन्धित लागुऔषधको सुचीमा राख्न दबाव दिने राष्ट्रहरुले भने अहिले आफ्नो देशमा गाँजा फुकुवा गरिसकेका छन् । यतिबेला अमेरिका, थाइल्याण्ड, युरोपका विभिन्न राष्ट्रमा गाँजा खेतीले मान्यता पाइसकेको छ ।
ती देशहरुको भन्दा नेपालमा उत्पादन भएको गाँजा उच्च गुणस्तरको मानिएपनि औषधिजन्य उपयोगका लागि सिंहदरबार वैद्यखाना लगायतका विभिन्न वैद्यखानाहरुले महंगो मूल्यमा विदेशबाट आयात गर्नुपरेको छ । प्रतिनिधि सभा सदस्य बिरोध खतिवडा बताउँछन् ।
‘गाँजाको राजधानीकै कुरा गर्ने हो भने नेपालबाहेक अरु देश हुनै सक्दैन,’ उनले भने, ‘नेपाली भू–भागमा पाइने जस्तो गुणस्तरिय गाँजा विश्वमा कहिँ पाइँदैन तर, के गर्नु नेपालमा त्यही गाँजा प्रतिबन्धित अवस्थामा छ ।’
आज सोनाम ल्होसारयसकारण मनाउन थालियो ल्होसार तामाङ समुदायको सांस्कृतिक पर्व सोनाम ल्होसारका अवसरमा सरकारले आज बिहिबार देशभर सार्वजनिक बिदा दिएको छ।समुदायले
एपी शर्माको संगीत र शब्दमा आधारित तथा कैसिलोको स्वर र प्रस्तुति रहेको नयाँ म्युजिक भिडियो “भ्यालेन्टाइन” सार्वजनिक भएको छ।मिस्टर जेसीडीको निर्देशनमा तयार यो म्युजिक भिडियोले प्रेमका भावनालाई आधुनिक शैलीमा प्रस्तुत गरेको छ। गीतको बोल “भ्यालेन्टाइन” प्रेम, रोमान्स र गहिरो भावनाको समायोजन हो । यसले भ्यालेन्टाइन डेको पर्खाइ मात्र नभई, प्रेमलाई दिन विशेष बनाउनेहरेक दिनको महत्त्वलाई व्यक्त गर्दछ। “फेब्रुअरीको पर्खाइ गर्न सक्दिन, मलाई माया गरिदेऊ” भन्ने गीतका शब्दहरूले प्रेमीहरूलाई आफ्नो भावनाहरूखुलस्त रूपमा व्यक्त गर्न प्रेरित गर्ने सन्देश दिन्छ। गीतमा प्रेम, वफादारी, र रोमान्सको भावना झल्किएको छ नाइजेरियामा छायांकन गरिएको भिडियोको भिजुअल प्रस्तुति गीतकै भावना अनुसारजीवन्त र कलात्मक छ। मुख्य भागहरूमा प्रेममा परेका मानिसहरूको भावनालाई प्रतीकात्मक रूपमा प्रस्तुत गरिएको छ। म्युजिक भिडियोले उत्कृष्ट छायांकन र निर्देशनमार्फत प्रेम र रोमान्सलाई अझ रोचक बनाएको छ। भिडियोमा आधुनिक शैलीका शब्द र धुनलेयुवाहरूको मन जित्ने प्रयास गरिएको छ। गीत “एपी म्युजिक” युट्युब च्यानलमा उपलब्ध छ, जसले छोटो समयमा नै दर्शकहरूको मन जित्ने सम्भावना राख्दछ। “भ्यालेन्टाइन” गीतले प्रेमदिवसलाई अझ विशेष बनाउन प्रेरणा दिने अपेक्षा गरिएको छ। नेपाली डायस्पोराले अंग्रेजी गीत-संगीतमा पनि विश्वब्यापी प्रतिस्पर्धा गर्न सुरु गरेको यो एउटा सकारात्मक संकेत हो, जसले नेपाली कलाकारितालाईअन्तर्राष्ट्रिय स्तरमा थप पहिचान दिलाउन मद्दत पुर्याउनेछ।
