हङकङका क्रियाशिल पत्रकार गुरुङ वर्ष पुरुषको उपाधिले सम्मानित

हङकङमा रहेर लामो समयदेखि पत्रकारिता मार्फत समाजमा योगदान पुर्याएवापत पत्रकार जगत अम्बु गुरुङलाई नेपाली आदिवासी वर्ष पुरुषको उपाधिले सम्मानित गरिएको छ । हक्की र निडर स्वभावका गुरुङले हङकङको व्यस्त जिवनशैलीका बाबजुद पनि पत्रकारितामार्फत वर्षौदेखि समाजलाई निस्वार्थ योगदान पुर्याउँदै आएका छन् ।

नेपाल आदिवासी जनजाती महासंघ हङकङले विश्व आदिवासी दिवसको अवसरमा आईतबार आयोजित कार्यक्रममा पत्रकार तथा समाजसेवी गुरुङलाई वर्ष पुरुषको उपाधि प्रदान गरेको हो । । एचके नेपाल डटकम लगायत हङकङ र नेपालका विभिन्न सञ्चारमाध्यममा हङकङका गतिविधिहरुको समाचार, फोटो र भिडियो सम्प्रेषण गर्दै आएका गुरुङलाई भव्य कार्यक्रमका बीच वर्ष पुरुषको सम्मान प्रदान गरिएको थियो । कार्यक्रममा बिनु थापा मगरलाई वर्ष नारीको उपाधीले सम्मान गरियो ।

दुवैलाई कार्यक्रमका प्रमुख अतिथि नेपाली महावाणिज्यदूत उदयबहादुर राना, नेपाल आदिवासी जनजाती महासंघ हङकङका अध्यक्ष टोपबहादुर तामाङ लगायत विशेष अतिथिहरुले सम्मान-पत्र प्रदान गर्दै खदा र फेटा लगाईदिएका थिए । 

 विभिन्न क्षेत्रमा रहेर आदिवासी जनजाती  समुदायको हितका लागि काम गरिरहेका व्यक्तित्वहरुलाई वर्ष पुरुष र वर्ष नारीको उपाधि प्रदान गरिएको महासंघका अध्यक्ष तामाङले बताए ।