नेपालमा कोरोना संक्रमितको संख्या ह्वात्तै बढ्यो

नेपालमा पछिल्लो २४ घण्टामा कोरोना भाइरसका कारण थप ९०० जनालाई कोरोना संक्रमण भएको छ । योसँगै नेपालमा अहिलेसम्म २ लाख ८२ हजार ८९० जनालाई कोरोना संक्रमणका भएको छ । त्यस्तै पछिल्लो २४ घण्टामा नेपालमा कोरोना भाइरसका कारण निधन हुनेको संख्या ४ रहेको छ ।

योसँगै नेपालमा कोरोना भाइरसका कारण मृत्यु हुनेहरुको कुल संख्या ३ हजार ७० पुगेको स्वास्थ्य तथा जनसंख्या मन्त्रालयले जनाएको छ । नेपालमा पछिल्लो २४ घण्टामा कोरोना संक्रमण मुक्त हुनेको संख्या २०८ रहेको छ ।

योसँगै नेपालमा कोरोना संक्रमण मुक्त हुनेको कुल संख्या २ लाख ७४ हजार ८१२ रहेको स्वास्थ्य मन्त्तालयले जनाएको छ ।

नेपालको आइसोलेसनमा अहिले ५ हजार ८ जना रहेका छन् भने ७७ जना क्वारेन्टाइनमा रहेको स्वास्थ्य मन्त्रालयले जनाएको छ ।त्यस्तै नेपालमा हालसम्म २३ लाख ३५ हजार ८४ जनाको पीसीआर टेस्ट भएको छ ।

केही दिनअघिसम्म ५० जना संक्रमित फेला परेको भएपनि यो संख्या पछिल्ला केही दिन यता ह्वात्तै बढेर एक हजारको हाराहारीमा पुगेको छ ।