सुनको मूल्य प्रतितोला ३०० रुपैयाँले बढ्यो

सुनचाँदी बजारमा आज छापावाल सुनको मूल्य प्रतितोला ३०० रुपैयाँले बढेर एक लाख ९०० रुपैयाँ पुगेको छ । पहेँलो धातु अघिल्लो दिन प्रतितोला एक लाख ६०० रुपैयाँमा कारोबार भएको थियो ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला एक लाख ४०० रुपैयाँ छ । यसको मूल्य अघिल्लो दिन प्रतितोला एक लाख एक १०० रुपैयाँ थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला पाँच रुपैयाँले घटेर रु एक हजार ३८० रुपैयाँमा आएको महासङ्घले जनाएको छ । अन्तर्राष्ट्रिय बजारमा आज सुन प्रतिऔँस एक हजार ९५२ डलर आसपास कारोबार भइरहेको छ ।

यो पनि…
यस्तो छ आजको विदेशी मुद्राको विनिमय दर
शेयर बजारमा इतिहास कायम भएको वर्ष