अमेरिकी विद्यालयमा नरसंहारदेखि पहिलो पटक मानिसको अंग प्रतिस्थापनसम्म

आज सन् २०२२ को २० अप्रिल । प्रस्तुत छ इतिहासमा आज भएका केही संक्षिप्त घटनाक्रम :

कोलोराडोको विद्यालयमा नरसंहार

सन् १९९९ मा अमेरिकाको कोलोराडोस्थित कोलम्बाइन हाई स्कूलमा गोली चल्दा १५ जनाको मृत्यु भएको थियो । दुई किशोरले विद्यार्थी र शिक्षकमाथि अन्धाधुन्ध गोली प्रहार गर्दा थप २४ जना घाइते भएका थिए ।

कोरियन विमान सोभियत भूमिमा

सन् १९७८ मा आजकै दिन सोभियत वायु रक्षाले कोरियन एयरलाइन्सको एउटा विमान खसालेको थियो । शीतयुद्धको समयमा बोइङ ७०७ को चालक दलका सदस्यले आफ्नो मार्ग पहिचान गर्न नसक्दा सोभियत संघको हवाई क्षेत्रमा पुगेको थियो । सोभियत हमलापछि सो जेट जमेको एउटा तालमा आपतकालीन अवतरण गरेको थियो । उक्त घटनामा दुई यात्रुको मृत्यु भएको थियो ।

पहिलो पटक मानिसको अंग प्रतिस्थापन

सन् १९५१ मा पहिलो पटक शल्यक्रिया गरेर मानिसको अंग प्रतिस्थापन गरिएको थियो । रोमानियाली चिकित्सक डान ग्याभ्रिल्युले अन्न नली बाइपास गर्न पेटको एक भागलाई प्रयोग गरेका थिए ।

पियरे र म्यारी क्युरीको आविश्कार

सन् १९०२ मा फ्रान्सेली जोडी पियरे र म्यारी क्युरीले रेडियोएक्टिभ तत्व रेडियम पत्ता लगाएका थिए । अग्रगामी अनुसन्धानको लागि सन् १९०३ मा उनीहरूले भौतिकशास्त्रमा नोबेल पुरस्कार प्राप्त गरेका थिए ।

यो पनि…
विश्व इतिहासका मुख्य पाँच घटना
यी हुन् विश्व इतिहासमा आज भएका घटनाक्रम