अस्ट्रेलियाको युक्रेनलाई साथ, रूसको आलोचना

युक्रेनमाथि रूसी आक्रमणको विरोधमा अस्ट्रेलियाले रूसमाथि प्रतिबन्ध लगाएको छ । युक्रेन हमलाको विरोधमा उनीहरूलाई प्रतिबन्ध लगाइएको अस्ट्रेलियाकी विदेशमन्त्री मारिस पेनीले जानाकारी दिइन् ।

‘आज म रूसी राष्ट्रपति भ्लादिमिर पुटिनको नजिकका र उनका अपमानजनक कार्यहरूलाई सहयोग र समर्थन गर्ने थप ६७ जना सम्भ्रान्त र कुलीनविरुद्ध प्रतिबन्धहरूको घोषणा गर्दैछु’, ब्राजिलको राजधानी ब्रसेलमा नेटो सदस्य राष्ट्रका नेताहरूलाई सम्बोधन गर्दै उनले भनिन् ।

युक्रेनमा विशेष सैन्य कारबाही गरेको रूसले बताउँदै आएको छ । युक्रेनमाथिको रूसी हमला पछिल्लो समयमा पूर्वतर्फ केन्द्रित छ । रूसले दोनबासमा हमलाको तीव्र तयारी गरेको विवरणहरू सार्वजनिक भएका छन् । रूसी सेना पूर्वीयुक्रेनतर्फ बढ्दै जाँदा युक्रेन आफ्ना नागरिकहरूलाई दोनबासबाट सुरक्षित क्षेत्रतर्फ जान अनुरोध गरेको छ । रूसी हमलाका कारण युक्रेनबाट ४२ लाख मानिसहरूले देश छाडेका छन् ।

यो पनि…
युक्रेनको खार्किभमा निरन्तर गोलाबारी
अमेरिकाले प्रतिबन्ध लगाएका पुटिनका छोरीहरू को हुन् ?
रूससँग शान्ति वार्ता जारी रहन्छ : युक्रेनी राष्ट्रपति