आज यी भू-भागमा वर्षाको सम्भावना
हाल नेपालमा भारतको बिहार तथा आसपासमा रहेको न्यून चापीय प्रणालीको सामान्य प्रभाव रहेको छ । बिहान प्रदेश १ का पहाडी भू–भागमा आंशिक बदली रही मुलुकका अन्य भू–भागमा मौसम सामान्यतया सफा छ ।
दिउँसो प्रदेश १, बागमती प्रदेश र गण्डकी प्रदेशको पहाडी भू–भागमा आंशिकदेखि सामान्य बदली रहने मौसम पूर्वानुमान महाशाखाले जनाएको छ ।
प्रदेश १ को पहाडी भू–भागका थोरै स्थान र बागमती तथा गण्डकीका पहाडी भू–भागका एक वा दुई स्थानमा मेघ गर्जन र चट्याङसहित हल्का वर्षाको सम्भावना छ ।
राति प्रदेश १ को पहाडी भू–भागका एक वा दुई स्थानमा हल्का वर्षाको सम्भावना छ । बुधबार प्रदेश १ को पहाडी भू–भागमा आंशिकदेखि सामान्य बदली रहनेछ । प्रदेश १ का पहाडी भू–भागका केही स्थानमा हल्का वर्षाको आकलन गरिएको छ ।
यो पनि…
गणेश भगवानको दर्शन गरी आफ्नो राशी हेर्नुहोस्
केही कुख्यात गोलीकाण्ड
